|
رد: تكفون احس اني بذبحه
اقتباس:
المشاركة الأصلية كتبت بواسطة عاشق الانكوندا
|
صبحك الله بالخير
يا بن آخى اسمع العلم اللى يجمد على الشارب
ترويض ؟ يتروض
يتكلم ؟ يتكلم
لكن لاتفكر بانك توصل للنتيجه هذه فى اقل من سنة لان الطير عمره كبير
وانا اقول الكلام هذا عن تجربة شخصية لانى كنت ما افهم شى بالطيور واشتريت كاسكو عمره 5 سنوات وحش بكل ما تعنيه الكلمة من معنى ولا ادرى كنت افكر كل الطيور على هالحال المهم انجزت المهمه ولا زال الطير فيه حنين للغابه ولازم تعرف انه لو صار عندك سفر ولا مشوار يومين او ثلاث راح ترجع تلقى الطير وكأنه ما تعلم شى وتبدى من جديد :/
النصيحة بايام الجاهلية تنباع بفلوس والحين حنا ننعم بالاسلام والنصيحه صارت واجبه وبلاش بعد
ومن باب حب لأخيك كما تحب لنفسك اسمع كلامى .
اذا عندك فلوس اشتر جاهز يتكلم وأليف واستمتع بالحياة
اذا ماعندك فلوس اشتر صغير هولندى محجل عيونه سود لكن تذكر ان الكاسكو بالعمر هذا حساس ولازم عناية وخصوصا من درجة الحراره لازم تحافظ على درجة حراره ثابته الى ان يكبر ويتجاوز عمر ال 10 شهور .
اذا ما قدرت تشترى الهولندى اشتر افريقى عيون سوده
وبكل الاحوال لاتخلط طيرين بمكان واحد نهائيا الا اذا اصبحوا مروضين 100%
وانصحك بالامازون يلوناب او دبل يلو ماغنا او بلوفرنتد جاكو ركز على كلمة جاكو تراه طير ملك جمال روعه لو ما يتكلم ولا يتروض ابد ما تحس ان فلوسك خسارة من شكله ولونه
اخذ محجل قمة الوناسه تنسى ربعك ويمكن حتى الدوام ما تروح لووول
واذا كل الامور هذه صعبة عليك ومضطر انك تحتفظ بالاسد اللى عندك اقصد الطير اللى عندك انصحك لاتروضه على اليد خله طير قفص كل يوم بعد صلاة العشا غط القفص وشغل عنده الكلمة اللى تبيها وخل بهذا الوقت جايع والاكل والماى شيله قبل وقت تشغيل المسجل يوميا ولمدة ربع ساعه وعقبها حط له الاكل وخله بمكان فيه حركة وصوت دائم وراح يتكلم بأذن الله
وانت بكيفك يالحبيب
__________________
(انه لمن المعضلات توضيح الواضحات)
|