[kitty cat]

السلام عليكم

في الحقيقة من يوم وأنا صغيرة وأنا ودي في قطوة ..

لكن سبحان الله أول قطوة ربيتها كانت عن طريق الصدفة وكانت قطوة شارع

كان ذكر وأسمه مشمش حتى ما صورته .. جعد عندي سنتين بعدين راح تزوج وما رد...



أليسا

الجنس : أنثى
العمر : أسبوع - سنتين

بعدها ربيت قطوة همن عن طريق الصدفة قصتها طويلة جدا وسميتها أليسا ..

هدتها أمها وعمرها أسبوع على باب بيتنا .. شافتها الوالدة ... اكسرت خاطرها

ربينها ليمة صارت شابة ... عندي لها صور وايد بس هذي وحدة من الصور



راحت تلعب بالحوش خذتها جارتنا الله يسامحها ورمتها



توتا

الجنس : أنثى
العمر : أسبوع - شهر

القطوة الثانية كانت في نفس وقت أليسا ... كانت قطوة فيجتي والدة

وماتت وهدت اليهال كلهم .. فرضعناها بالممية مالت

القطوة وربينها ليمة صار ها بين البينين وماتت بدون اي أسباب

صورتها وأهي جام ترضع





كيتي

الجنس : أنثى
العمر : ثلاث شهور - تسع شهور

صاحبت الحظ الأكبر ... قطوة شيرازي شريتها من سوق الحمام بالكويت

قطوة جدا راقية وناعمة وهادية ودمها خفيف .... وضيفي جميلة

كانت أفضل قطاوتي ... لما ييت أسافر عطيتها لرفيجتي .. تعلقت فيها ..

والحين تعيش حياة مرفة جدا ^^

صورتها





ستسو

العمر : ثلاث شهور - سنتين
الجنس :أنثى

قطوة أمورة وحلوة ربيتها مودة طويلة بعدين أهربت من البيتوما أدري عنها شي

صورتها





لولو

العمر : شهر - سنة
الجنس : أنثى

القطوة اللي حبيتها من قلب .... لقينها في نص الشارع رح تدوسها السيارات

في الدئري الخامس .. ربيتها ليما صارت شباب ... صار عمرها سنة ... بعدين .

أبي أسافر ومحد راضي ياخذها ليما أرد ... أضطريت أعطيها حق لجنة للحيوانات .





توتا رزة

الجنس :أنثى
العمر :شهر ونص

وهاذي قطوتي الحين اللي صورتها في التوقيع ... شيطانة جدا ... وعفريتة

على قولتهم ... ما تحب السردين أبدا ... تموت في وسكاس لامب ( لحم الغنم )

أعتقد أنها لها مستقبل باهر ^^ ... لأنها قطوة نظيفة جدا

صورتها








أتمنى يكون الموضوع عجبكم ^^
وقولولي رايكم منو أحلى ؟