[Musab Pro]

الله المستعان .. اختي افضل شي هو انك تدربينها وتعلمينها كيف تختار الشي اللي تاكله والاشياء اللي ما تاكلها.

مثلا .. تخلين الكلب قدامك ومعك اشياء في كيس .. اكل + بلاستك + مناديل + حجر و.و.و. هلم جره

بعدين تطلعين من الكيس حبه اكل صغيره تحطينها قدامها ولما تجي بتشمها وتاكلها تقوالين لها برافووو وتشجيع

تطلعين كيس بلاستك صغير او قطعه من صحن بلاستك .. تشمها لما تاكلها قولي لها نوووو وضربه خفيفه جدا على الانف..

فقط نبين لها ان الشي اللي سوته غلط ..

بعدها مثلا اكل .. ولما تاكل نعطيها تشجييع .. بعدها زرار .. لما تاكل نسحبه ونقول نوووو اما اذا شمته وما اكلت نقولها

برافوو ونعطيها اكل مكافئه .. انشالله هذا التمرين يجدي . مع ملاحضة الاستمرار على هالتمرين لفترة

تجعل المعلومه ترسخ في ذهن الكلب .

في حال انه ما اجدى ممكن تستخدمين نفس التمرين بس هالمره تحطين المنديل مع شوي شطه او فلفل ..

راح قولي له نوو اذا جا ياكل بدون لا تسحبينه .. في حال لحس المنديل راح يكره اليوم اللي يشوف فيه مناديل .

بس ما نبي نسوي له عقد فالافضل استخدام الطريقه الاولى بدون استعجال ..

وانا في انتضار الاعضاء اذا كانت هناك طرق اخرى نفيد ونستفيد

تقبلي تحياتي