[طير الهوى]

،،

هلا بك اخوي الأكحل ..

بداية اللهـ يبارك لك بهالطير ويحفظهـ ويخليهـ لك .. والطير توهـ فرخ انتبهـ لهـ من التيارات الباردهـ .. وحافظ عليهـ زيييين ..

بالنسبة لاستفساراتك :

عظم الحبار هذا كيف يستخدم ؟

يعلق على القفص .. بأي طريقهـ كانت .. أحيانا يجي معهـ حديدهـ للعليق على القفص .. لكن في وجهة نظري انها عديمة الجدوى مع الأقفاص الكبيرهـ .. لذلك تقدر تخرمها من النص وتعلقها على القفص بـ معلاق الملابس ..

وأكثر شي مأرقني وشايل همة هو إن الطير بس أدخله بالقفص يصير واقف بأرضية القفص ويخلي راسة على الشبك ويحرك رجله أحس إنه يتعب لأن يوم أطلعة من القفص يكون تعبان ويتنفس مثل إلى طالع درج للدور الخامس ,

وهو داخل القفص ينثر الأكل تحت بالقفص ,

سؤالي ليه يسوي كذا وشلون أخليه يكون عادي بالقفص ,

هذي حركهـ طبيعيهـ .. يسويها الافريقي بالطبيعهـ وهي الحفر .. لكن يسويها طيرك معناتها أبي أطلع من القفص .. طلعني أبي ألعب معك وأبغاك

وبعد هو ريشة كامل ويطير ولا يتفاهم من أطلعة يطلع على كتفي ولا يرضى ينزل أو حتى يوقف على إيدي ,


وطبيعي معاي وأنا شايلة ينظف نفسة ويتصرف طبيعي ,


لكن ما يبي القفص ,

مافيهـ طير يحب القفص .. كل الطيور تبي الحريهـ .. ولما ينظف نفسهـ ويتصرف على طبيعتهـ معك .. معناتها أنه واثق فيك .. ويحس بالأمان معك .. وهذا شيء ممتاز .. ومسألة أنه يطلع على كتفك .. لأن الطير يحب يكون جالس بأعلى مكان .. فالكتف أعلى من اليد .. لذلك يطلع للكتف ..

أقدر أقص ريشة وأظافرة بنفسي .؟ وشلون الطريقة بحثت بالمنتدى ما لقيت موضوع واضحة فيه الطريقة

تقدر .. لكن أول 3 مرات .. وده للبيطري أو واحد فاهم للطريقهـ .. ناظر كيف يسوي وتعلم منهـ .. خصوصا قص الأظافر لأنه الأخطر .. بعدين أنت اعمل نفس اللي شفت بالبيت بدون الحاجهـ لأي شخص ..

وهل الكاسكو نحدد له أكله أو نخليه يا كل لما يشبع !!

الطير مثل الإنسان .. لا بد أن يكون لهـ نظام غذائي منتظم .. مثلا يكون يوم بالأسبوع ماتقدم لهـ إلا الخضروات والفواكهـ .. وباقي الأيام حب شمسي .. والفول السوداني تقدمهـ لهـ كـ مكافآت مثلا ً .. أما عن الكميات بإمكانك البحث عن أنظمة غذائية للببغاوات وهي كثيرة جدا ً .. لكن يكفي للطير انك تاخذ حب شمسي بقبضة يدك .. وحدهـ في الصباح ووحدهـ في العصر ..

بعمرة وجنسة ونوعة ؟

العمر .. توهـ فرخ صغير .. حوالي 4 أو 5 شهور ..

نوعهـ رمادي أفريقي .. محجل .. ( يطلق عليهـ هولندي مجازا ً ) ..

أما الجنس فلا يجزم أحد يتحديدهـ ولا بد من فحص الـ DNA


أتمنى أكون قد أفدتك وجاوبت على استفساراتك بوضوح .. والله يهنيك بطيرك يالغالي وانتبهـ عليهـ مرهـ ..

،،