[HaiDy]

صحيح حاصل واقرب موقف احد اقاربي عرف ان عندي كيتنز وقال باخذ واحد لاطفالي افرحهم فيه !!!!! من متى

صارت البسة لعبه للاطفال وبعدين ماحب الاطفال تربي اي نوع من الحيوانات ابداً لانه يعتبره لعبه مايعتبره كائن

حي وغالباً يموت الحيوان بسبب الاهمال او الجوع او الضرب من قبل الطفل والاهل يواجهون الموقف بكل بساطه

شيله ارميه بالزباله وبعد فتره نشتري غيره ..!!

ونفس قريبي هذا من فتره اشترى بسة لاطفاله برضو وحاطها بالحوش بمكان ضيق على كلامه ومادري وش

جاها ياحرام انكسرت رجلها ولا وداها بيطري انتفخت رجلها وتعبت البسه حيل لحد ماماتت !! والحين جاي ياخذ

من كيتنزاتي قلت للي موصلي الكلام قله : لااا ماعندي بسس للبيع وعياله يوديهم جزيرة الطفل يشترون العاب


ومن جهه اخرى حنا اعضاء منتدى تو زو سعوديين وياكثرنا وقاعدين نتعامل مع حيواناتنا بكل رقه .. من يقول انه

قله من السعوديين يهتم بالحيوانات ؟!

صحيح ناس كثير ماتهتم ويكفي اهالينا بعضهم يتطنز لما تبدي اهتمام خاص بقطك ..! لكن من زاويه اخرى حنا

فئه ليست بالقليله الله يجزينا خير ويحفظ لنا حيواناتنا واكيد فيه غيرنا كثير بس مالتقينا فيهم.. وطبيعي اننا راح

نربي اولادنا بالمستقبل ان شاءالله على معاملة الحيوان برحمه وشفقه

بالنسبة لكاتب الموضوع : ترى مو اي واحد مايهتم بحيوانه قاصد .. عندك انا مثلا ً قبل لما ماكان عندي لابتوب

كنت اجهل الكثير عن نظافة القطه واكلها واشياء كثير خصوصا اني في مدينه مافيها عيادات للحيوانات مجرد

صيدليه بيطريه اغلب ادويتها للبقر والغنم والبعارين ..! صحيح ماكنت انظف اذان قطاوتي ولا اوكلهم اكل صحي ولا

امشط شعرهم بس كله جهل مب قاصده .. غير انه زي ماقلت ماعندنا عيادات وانا قليل جدا اسافر ماقدر اروح

اشتري خارج مدينتي واهلي مافيه اهتمام طبعاً ولا اعرف احد يهتم بالقطط عشان استعين فيه مالي الا الله ..

والحمدلله يوم صار عندي لاب تعلمت الكثييير من تو زوو لكن الحين ينقصني احد يجيب لي اغراض وان شاءالله

عن قريب بوصي محل بالرياض يوصل لي الاغراض اللي احتاجها ..

وفيه نقطه انت تقول فيه ناس تمرض قطاوتهم مايودونهم بيطري .. وش رايك باللي وده منى عينه يوديهم بيطري

بس مايقدر مصككه بوجهه مايقدر يوديهم بيطري << وهذي معاناة كثير من البنات كلما قلت لاهلي قالو تخيل

شكلي شايل بسه موديها طبيب !!!!!! غير انه لو هداهم الله وراحو البيطري مستحيل يخلوني اروح معهم ودي

اروح معها اشرف على علاجها والجرعه وكذا بس مستحيل ياخذوني معهم بحجة خير وش تبين هذا طبيب وفاهم

هاتي بس فلوسك انا اوديها ! يمكن خيره لي الحمدلله لان هنا بالقصيم ماعندك اهتمام بالقطط بس

بعارين وغنم وطيور ..، عموما انا اعالجهم من ادويه من الصيدليه البشريه وتعدي الحمدلله ..

المقصد انه فيه ناس ظروفهم صعبه ولا ودهم يعطون قطاوتهم عيونهم المركبين

الحمدلله على كل حال .. الله يحمي قطاوتي .. وقطاويكم