[آنـــــو]

المشاركة الأصلية كتبت بواسطة رهام الغلا

يمه خفت والله
بس شسوي ماعندي حق علاج لها
مافي الا افتح لها الباب وتشوف طريقها

الله يرضى عليك بس ,, تربية القطط لازم ومعروف بتواجهين هالآمور الحين آو بعدين
سواء هالقطوه آو غيرها لاشريتي جديده هذا مشكله وارده ولازم يكون عندك الآستعداد لمواجهتها

يطاوعك قلبك ترمينها بالشارع ! آقلها كملي جميلك معاها وآعرضيها تبني واحد يتكفل فيها وبعلاجها وياكثرهم اللي عندهم إستعداد

آنا آعطيتك كل العلاجات اللي نعالج فيها الفطريات لكن ماآدري ليه تجاهلتي الرد ولابديتي معاها علاج
كان آمداك تشوفين معاها نتيجه لو بسيييطه

واجهتني آنواع الفطريات وبفضل الله ماضرتني وكل مره آعالجها آهممم حاجه النظافه ثم النظافه
نظافة المكان ونظافة القطط الحمدلله آخر مره شفت الفطريات من سنه لأن دايم آحمم قطاوتي بشامبو فطريات وآعقم غرفتهم شبه يومي بالمعقمات

زي ماقلت لك لو ماعندك آستطاعه وقدره آنك تعالجينها آعرضيها تبني ولو قلبك متعلق فيها عالجيها وشوفي النتيجه

هل فيها حكه ؟ آحمرار بالمكان آو حدود حمرا حوالين المساحه الخاليه ؟ قشور ؟

ولو عندك غرفه فاضيه آحبسيها هالآسبوع كثفي معاها علاج ,, اليوم رحت للبيطري ومدح لي حبوب نيزورال للفطريات
ربع حبه باليوم لمدة 22 آو 21 يوم مو ذاكره بالضبط وآكيد لازم تتأكدين آنها مو ملقحه لآنها مضره للحوامل بكلام البيطري لي
وآنتي بكلامك قلتي طلعت برا فـ لازم تتأكدين من هالشغله,, كل العلاجات متوفره بالصيدليات البشريه

وبالتوفيق قلبوـو

::