[مسك]

السلام عليكم

حبيت نفتحوا موضوع نهذرزو فيه على كل واحد شن سما الطائر متعها وإذا كان في قصة ولا موقف للاسم (ومنعرفش لو حد دار هذا الموضوع قبل أو لا )

ومنبدأ بنفسي طبعا وحلاش سميت الببغاء الافريقي متعي بأسم بش بش وإن شاء الله منطولش عليكم

السبب جيء بعد مرارة سنين من كفاح الوالدة( ربي يباركلنا في عمرها) باش تخليني نربي حيوان ولكن الوالدة تكرها الحيوانات ومتحبش وجودهم في الحوش رغم حبي الشديد أني وخوي الاكبر لكل أنواع الحيوانات ولكنها رفضة بتاتا فكرة تخلينا نربوا أي نوع لذلك بعد فترة من المسايسة فهمنا إنها موافقة على العصافير عادي لانها محبوس في قفصها لكن أني كان خاطري في قطوس (قطة) وبما أنه ممنوع خوي شرالي ببغاء أفريقي واول ماشفت بديت أناديلها تلقائيا بش بش ( وهي كلمة نقولها للقطة لما نشوفوها حني في ليبيا كأسلوب من المداعبة ومنعرفش لو يستخدم فيها غيرنا ) المهم ومنها بدي اللي في الحوش ينادولها بش بش والصراحة أكتشفت أنها أحل من القطة وسعادتي بيها لا توصف غير ربي يهديها وتتعلملها كم كلمها

وهذه القصة ونتمنا نكون ماطولت عليكم


وارجوا أنه كل حد يشاركنا بما أختارا لطائره من أسم

وعذرا للي قد ما يفهمش بعض الكلمات من اللهجة اللي مستخدمتها


والسلام عليكم