[هاوي تربيه]

بسم الله الرحمن الرحيم
اليوم إن شاء الله راح اخبركم عن قصتي مع الجوز
في يوم من الايام بتاريخ 21/3/2010 م كنت اتمشى والف محلات الطيور ابحث عن انثى
كروان علشان انا اربي الكروان وفشر والبادجي فقط ولا مره في حياتي شريت ببغاء وانا
في احد المحلات شفت الجوز والصراحه عجبني لونه وشكله
الذكر
..

..
الأنثى
..

..

فسئلت صاحب المحل عده اسئله
هل هم جوز ؟ قال والله ما ادري توي شاريه . قلت طيب هل انتجو من قبل ؟قال الله اعلم؟؟
قلت طيب شنو اسمه؟ قال الي اعرفه اسمه ببغاء وبس .قلت انا عا رف انه ببغاء بس شنو
اسمه؟ قال مااعرف اسمه انا توي شاريه .بعد هالاجوبه الي تكدر الخاطر (وانا معجب بالجوز)
قلت طيب كم تبي فيه؟ قال .... قلت كم من الاخر ونزل 50 ريال من قيمه الجوز وقلت الصراحه
مي خساره في الجوز لاني ما قد شفت مثله في محلات الطيور
وفي نفس اليوم وضعت له موضوع كنت ابي اعرف شنو نوعه واسمه والاعضاء ما قصرو
جزاهم الله خير ومنها عرفت اسم الطير صن كينور
http://www.2zoo.com/vb/showthread.php?t=149689
وكان الجوز معاه بيضه واحده وانا خليت البيضه قلت لعل وعسى يجلس على البيضه ولاكن
بعد كم يوم لقيت البيضه خارج البياضه يعني إن الجوز تخلص منها ومع الايام انا انزعجت من
صوته واخدته وحطيته في مستودع وما اجيه ألا وقت تبديل الأكل والماي وتنظيف القفص
ويوم من الايام بتاريخ 18/4/2010 م أي بعد 27 يوم من شرائي الجوز دخلت المستودع
علشان ابدل الأكل والماء وكان الذكر خارج البياضه وكان يتحرك ويسوي حركات غريبه
ومظحكه فجيت القفص وفتحت البياضه وشفت فيها بيضتين ما شاء الله عليهم

والجوز كان يحمي البيض ويمنعني حتى من اني اصور

ووقت ما شفت البيض كان شعوري لا يوصف الصراحه طرت من الفرح وتركت الجوز في حاله
وبتاريخ 27/4/2010م بعد البيضتين ب 9 أيام فتحت البياضه ما شاء الله عليهم ثلاث بيضات
ولا احلا

..

..
وبعد كذا صرت كل يوم لما اجيهم اقرب قرب البياضه لعل وعسى اسمع صوت ومرت الايام
وما قدرت اصبر وفتحت البياضه واخدت البيض علشان افحصه وكان ما شاء الله البيض ثقيل
ووقتها اتاكدت إن البيض سليم ومرت الايام وانا على احر من الجمر انتظر خروج الفروخ
وبتاريخ 9/5/2010م أي بعد مرور 21 يوم من يوم ماشفت البيض وان اقرب بجانب القفص
ألا واسمع صوت وعلى طول فتحت البياضه
ما شاء الله احلى فرخ الله يحرسه من العين

ما شاء الله


طبعا انا وقتها طرت من الفرح وصرت كل يوم اجيهم مره واحده واكشف على البياضه
وبتاريخ 12/5/2010م أي بعد الفرخ الأول بيومين فقس الفرخ الثاني

وبتاريخ 15/5/2010م فقست اخر بيضه ما شاء الله


وهذي قصتي كامله مع الجوز
يعني من يوم شريته الى يوم تفريخ الثلاث بيضات له معي 54يوم
وهذه أول تجربه لي في تفريخ الببغاء
واول مره اشتري ببغاء