[عــزوووز]

المشاركة الأصلية كتبت بواسطة تفاحه حمرا

نفس السؤاال

-----------------------------------------------
هذي لقيتها في النت بس ماني متأكد صحت الكلام
-----------------------------------------------

اما عن ان الذيب ياكل الجن فهذا صحيح وثبت عندنا في الديره ونخوك

والذي شاهد الواقعه الى اليوم وذريته يسمون بها في ديرتنا وهو المرحوم باذن الله (( خلف السكني ))


حدثني الوالد الله يتمي له بالصحه والعافيه عن جدي سعد(( توفي )) عن جده (( توفي ))عن ممن سمع منه (( توفي ))
وهو معروف بالبلد بالصدق والأمانه انه قال (( في يوم من الأيام كان خلف الله يرحمه جالس عند ضويته في الليل البهيم وفي ليل شتاء قارس في البر وهو في طريق سفر وكانت الجن تعرف خلف يجالسهم ويمازحهم في اسفاره ولا يخاف منهم المهم وهو جالس ينعس ما درى الا وذاك الجني الي ينادي تكفى ياخلف تكفى يا خلف تاااااااااااااكفى ياخلف باعلى صوته وطب عنده وعند ضوه قال وش فيك واليه شايف له ذيب ويطرد الذيب الجني قال الجني تكفى الذيب قال خلاص خلك عندي وجلس الجني عنده يقول انه متشكل بشكل كلب
المهم وهو جالس ويا الجني قام ينعس خلف وجاه النوم خلف قام الجني من زود خوفه من الذيب يقوم خلف قم قم قم وكل مانام قومه والذيب باقي بعيد ينتضر الجني يطلع المهم وانعس خلف وقام الجني وخذا من المله وكبها على ردن خلف او بالعربي على (( خصوته )) الله يكرمكم المهم ويقوم خلف مرتاع ويطرده قال له يالله ذيبان تعال خذه

يقول خلف والله قام يتعافس واياه وفي النهايه يقول خلف يوم جيت مكان معافسهم ومطارحهم الى والله مافيه الا كم نقطه بسيطه من الدم ))

وانتهت القصه المتواتره والثابته عندنا في الديره وبالتواتر

على العموم ترى الذيب اذا شاف الجني وهو متشكل بشكل كمثلاً كلب فلا يستطيع الجني يغير حاله او ينزل بالأرض ابد

هذا شي معروف

ودمتم بخيرات وعوافي

-----------------------------------------------
"منقــــــــــــــــــــــــول"
-----------------------------------------------