السلام عليكم ..
كل يوم بعد صلاة الفجر أستمتع بصوت يمامة تسكن في دريشة غرفتي , صوتها رائع ومطرب جداً , في أحد الأيـام فتحت الدريشة وجدت بيضتين بالعش , كنت فرحان لها كثييييير , فقست البيظتين وطلع فرخين ولا أحلى , حبيتهم بجد , كانوا دايم في العش وريشهم ناقص ما إكتمل ..!
قبل أسبوع ونص مع الأمطار القوية إلي جت الريـاض والي ماسلم منها أحد أبداً طاح العش بالحوش
, حزنت لهم كثير ..!
الأم والأب ما حصلتهم والفروخ مات واحد منهم وبقا فرخ مو موجود
, كنت متضـايق كثييييير , الجميـــل في الأمر والقصة هي التـالي ..:
دخلت للبيت اليوم العصر وفتحت دريشة غرفتي ولقيت الفرخ البـاقي حي موجود بالدريشة وبنفس مكان العش التالف
كنت بسعـادة لا توصف , المهم اني ما أحتملت أشوفه بالشكـل هذا , دخلته للغرفة وأعطيته ماء وما شرب ومحتار أيش أعطيه أكــل
..!
الحبيب ما يخاف من أي شيء
شلته على يدي وخليته فوقها حول الربع ساعة , ما حسيت فيه أي خوف
, حبيب قلبي والله حبيته ..!
هل تنصحوني أربيه وأعتني فيه , أو أطلقه واتركه للانهاية
..!
عموما الطير لونه جميل وريشه نظيف جداً ..!
آرآئكم تهمني