[العقرب الامبراطوري]

اختي اسمحلي بس انا استغرب كيف تشترين سلحفاة و ما تقرائين عنها شي
لان اول شي لازم قبل شراء اي حيوان لازم تقرائين عنه
المهم السلحفاة الصغيرة اكيد انت اشتريت صغيرة صعبة التربية
هي تحتاج الى ماء قليل مع حجرة حتى تصعد عليها و الحجرة مهمة
ايضا لو تقدرين تحطين سخان صغير في حوضها تقدرين تشوفين في محلات الاسماك سخان صغير و خلي البائع يعلمك كيف تتحكمين في درجة الحرارة و درجة الحرارة ما ادري اي درجة لازم بس اتوقع 25
السلاحف تاكل اكل خاص تقدرين تشتري من محل الاسماك حاولي لما توكليهم تقرابيهم كيف ياكلون و حاولي تشتري سمك صغير حي و توكليهم حتى يكبروا بسرعة و افضل الاكل الحي الهم لكن سوي هذا كل شهر
ايضا عملية التشميس مهمة جدا للسلاحف البرمائية و هي على حالتان تقدرين تخليهم في الشمس لمدة ساعة او ساعتان يتشمسون ام تقدرين تحطليهم ضوء UV طبعا ضوء UV صعب تلقيه فالافضل تطلعين حوضهم برى في الشمس لمدة ساعة او ساعتان
طبعا ليش الحجرة الكبيرة مهمة الهم ؟؟ لان هذي السلاحف برمائية يعني تعيش في المي و البر يعني لازم يكون عندهم مكان بري مثل الحجر تقدرين تحطين حجر كبيرة حتى يقدرون يصعدون فوقها او حجرة كثير صغير في حوضهم و يكون مستوى الحجر عالي حتى تقدر تصعد عليه و تبقى برى المي
المهم راقبيهم كثير خاصتا من ناحية الاكل لانه السلاحف الصغيرة صعبة و لو كبرت عندك طبعا السلاحف بطيئة في ناحية الكبر لكن لو لاحظتيها تكبر عندك يعني خلص تربيتها تصير سهلة و لو ضفتيها تاكل ايضا تربيتها تصير سهلة و اتمنى اني فدتك بشي
و تقبلي مروري