[كــــاظــــم]

بسم الله الرحمن الرحيم





في البدايه انت اشتريت طير وودك يكون اليف وياكل من يدك وتحككه وتشله على كتفك وعلى ايدك ... لزوم التشخيص طبعا


نبدا من الطائر المتوحش تماما (البري او الصيد)

الطائر لا يتقبل وجودك ابد وهذي مشكله نفسيه تعني ان الطائر غير متأقلم او مرتاح في وضعه داخل منزلك وبمجرد مرورك يجيه جلطه من كثر الصياح

حلها سهل جدا جدا

يترك الببغاء داخل قفص لفتره لاتقل عن اسبوعين وفي هذا الفتره مو تتركه يعفن ويموت جوع

لا ولا تكلمه ولا تحاول تصاحبه كأنه مو موجود نضف القفص من مخلفاته وغسل مكان وضع الماء وعيد مله من جديد وغسله زين خل له عده سفنجه لغسل حاويات الماء والحب

وفرغ الحب القديم وحط له جديد وشويه فستق وتراه يحب الفستق حب غريب

لمده اسبوعين على هذا الحال ومكان منعزل او مرتفع ودافي انتبه تحطه قدام مكيف مهما كان الجو حار

بعد اسبوعين تلقاه استقر تقرب له ما يهرج ولا يصيح بعد كذا نبدا في كيف تخليه يحب اصابعك وإذا مديتها ما يعضها !!

في البدايه اعطه فستق ولا تجلس تناظره كنك بتقط معه فيها

اول ما يخذها تتحرك ببطء للوراء وتروح عنه لين تغيب عن نظره بعد كذا لو تسمعت له تلقاه يفرمها

في نهاية الجزء الاول بعطيك معلومه حطها في بالك ولا تنساها

الطير الغير اليف يتجنن من الحركات السريعه ... يعني حركات ايدك في القفص لما تغير الحب او الماء

حركاتك لما تقرب تسوي له اي شي حاول انها تكون ببطء شديد لين يتعود عليك بعد فتره لو تمر كنك كاسبر الجني ماعاد تفرق معاه

ومعلومه مهمه ثانيه إذا بتعطيه شي بيدك انتبه تسحبها إذا هجم او سوا انه بيعضك

لانك لو سحبتها بيتعود وبعدها هذا وجهي لو باقي اخذ من يدك شي لانك بتكون عودته على كذا

وحاول تغريه بسكر ولو انه مضر له بس لا تكثر شويه بس لزوم التسليك


الباقي يجي في الجزء الثاني

في نفس الموضوع بس ف البدايه بشوف التفاعل