[لوتيه]

خربوش و فرفوش اجابلوا و صارو خنفروش
صح كلامها مب كل مره تسلم الجره
انا عندي كاسكو طارت عني من المغرب لين اليوم الثاني الصبح يعني باتت برا البيت القويه
و ماقدرت ارقد الليل معاناه افكر كيف نامت و وين و شو كلت لين الصبح الساعه 7 قمت و سرت
ادور عليها لقيتها العبيطه اطير فوق البيت و تزاعق بعدين اختفت عني و قالولي ادورها فالزراعه
و فعلن رحت و خذت اختها معايه على شان تقعد تزقرها خليت القفص و اختها و حطيت حب فوق القفص
و الاخت قاعده فوق القفص و تزاعق لين نزلة حبيبه من الشير و سيده على الاكل شكلها ماكلت طول اليل كانت مفجوعه على الحب
زخيتها و حطيتهم فالقفص و سيده طلعت المقص و قصيت جناحها بدون تردد مع اني كنت اقول ما اريد اقص جناحها
لانه كانت اطير و تحل على كتفي و يوم انزل تحت فالبيت اطير من فوق و تنزل تحت ادورني وانا كنت اتخيل عمري سندباد و ياسمينه هههههههههه
المهم و الملخص و الزبده
لا تسويلي فيها عنتر و قص جناح طيرك عن لا يطير و يجاور غيرك