[خربووش]

السلام عليكم ورحمة الله وبركاته
نبذه عن فرفوش : هو طير من نوع يلو كروان امزون وعمره الان تقريبا سنه ونصف وهو على اسمه فرفووووووش ماشاء الله عليه وطبعا انا مقصر معه شويتين صرت اعوضه باني حاطله قفص على الشباك واخليه يتفرج في الناس وفيه شجره لوز مقابل للبيت يعني كل يوم يشوفها وشكله كان يخطط عليها من زمان (نفسه ياكل لوز)المهم اليوم طلعته للسطح على يدي وشفت بسه (قطه_هره)وخافة مني وشردت لها في ركن وتركتها ونزلت فرفوش على استاند قديم وابعدت عنه تقريبا خمسه متر وكنت حاسس ان البسه(القطه) بتفجعه وانا في هذا الاحساس طلعة عليه البسه وطار فرفوش باتجاهي ومديت له يدي عشان يوقع عليها لكن كان بعيد شوي عني وماقدر يوقف الاخ وتعدى جدار السطح واختفى طلعت ادوره ماشفته وانزل بسرعه للشارع واشوف بسه ثانيه واقفه وتطالع باتجاه الشجره بشكل غريب كانها بتنقض على شي اتجهت للشجره ومعي بنت اخوي زغنطوطه قالت عمو انا شفت ريشه خضراء نزلت من الشجره ماصدقتها لاني طالعت في الشجره قبل كلامها ماشفت شي طبعا انا كنت حاسس انه قريب لانه نزل نزول من السطح ... طولت عليكم المهم سمعت حركه في الشجره طلع فرفوش متعلق وراسه على تحت (شكله بعد ماشبع من اللوز قال خلني اطلع) ناديته وقلتله طير فرفوش طير لاني معوده عليها .. حاول يطير بس خاف وقعد يسولف معي وبعد دقيقه تقريبا قرر يطير ومديت له يدي ووقع عليها .اسف على الاطاله وارجوا بعدم الرد بقص جناحه لانه مو هاين علي