[Withered Rose]

مبرووووووووووووووووووووكـ ألف مبروكـ خبر حلووووو..
و الله يخليهم لكم و لا شكر على واجب توزان
ضحكتني الصورة لما غسق تطل من القفص تبي المناديل كيوووووت

س1-ما هي التجهيزات الازمه؟ لو كانت تكلف فلوس الدنيا اجيبها

احسن شي تجهزين لها حوض سمك متوسط و تفرشينه نشارة (أو مع قطع أقمشه) و تغطيته بحيث يكون المكان مظلم قليله و ممكن تثبتين لها العجلة بارتفاع عالي بحيث ما يجرح الصغار ..

س2-كيف يكون العش؟؟البيت زين ولا لأ

عطيها المواد المناسبه لبناء العش و اهيا تتكفل و تغطيهم فيه احسن ما افضل الأقفاص أو البيوت لأن الأطفال بيتششتون و يمكن البعض ما ينمو بصحة جيده ..

س3-مواد التعشيش الممتازة وشيهي؟؟انا حاطة لها منديل وسمعت انه مو زين الفنايل الداخليه الرجاليه تنفع؟؟عنندنا منها كثييير

ممكن تقصصين الفنايل و تحطينه لها و اهيا تغطي الصغار فيهم و تبني فيها العش أو في نوع من القطن يسمى القطن الماص اللي يصير على شكل دوائر بالسوق هذا ينفع و لكن لا تكثرين منه ..

س4-كم مدة الحمل؟؟ومتى اقدر امسك العيال؟؟ومتى يوصلون العيال لمرحلة انها ما تقدر تاكلهم؟؟

من 18 الى 22 يوم .. بعد ما يفتحون العيال عيونهم (14 يوم) ممكن تمسكينهم لكن بس للضرورة أما اذا لازم تمسكينه وهم اصغر حطي بجانب القفص ملعقة كبيرة عشان بس يطلع واحد تشيلينه فيها .. و بعد الفطام (ابتداءا من 21 يوم)الأم اضن ما راح تاكلهم ..

س5-اكثر نشارة الخشب علشان ما تطلع رييحة بدري؟؟ومتى اقدر اغيرها..

2 سم ارتفاع النشاره للوضع العادي و لكن قبل الولاده بأيام قليله يفضل زيادة ارتفاعها الى 4 سم تقريبا و تغييرها بعد اسبوعين أو بعد ما يفتحون الصغار عيونهم ..

س6-احط عجلة؟؟والعاب؟؟

ممكن تحطين العجلة لكن بارتفاع مناسب منها تقليل لعب غسق فيها في هذي الفترة و انها ما تحوش الصغار و تجرحهم ..

س7-وش الاكل المفيد غير الخضار ؟؟؟ابي اي اكل مفيد ومغذيوالبيض وشلون يقدم لهم..

البيض يقدم مخفوق و يفضل تعطينها لاغذيه الغنية بالبروتين و الكالسيوم مثل الحليب و الجبن قليل الدسم أو حليب القطط الصغيرة ..

س8-متى تحمل مرة ثانية.؟؟

بعد الفطام لما تبتدي الأم تهاجمهم عزليها عنهم فترة و ارجعيها الى الذكر و ان شاء الله تحمل





و تربيه موفقة توزان و ان شاء الله تولد غسق بالسلامه