[د. إحتـراف]

السلاام عليكم

اذا تسمح لي اطرح رأيي المتواضع

طيرك افريقي وعمره سنه وكم شهر الواضح من الصوره

شوف خطوه حلوه انه الحين يأكل من يدك واليف عليك

ومشكله الكلام مرتبطه بـ التلقين

التلقين لازم يكون وقت مناسب لطير ولا تلحس مخه

يعني الكلمه الي تبغاه ينطقها ماتقول غيرها في وقت التعليم مثلا انت الحين تدربه ع كلمه [ الو ] ماتقول كلمه غيرها او اي شي حتى ينطقها بشكل صحيح عشان مايتلخبط وتشبك اسلاك مخه

بقولك على طريقه انا اتبعها وهي سهله وحلوه

اول شي تخلي طيرك ينام وقت طويل عشان يصحصح لك ويركز معاك

يعني من الساعه 9 بالليل تحط ع الطير قماش ثقيل عشان يكون القفص مظلم وينام او انك تختصر وتحطه في غرفه وتسكر النور

والساعه 7 الصباح تكون انت صاحي وتبدأ في تلقين الطير وراح اشرح لك الطريقه

تجلس في غرفه مافيها تلفزيون عشان الطير يركز معاك .

تحط الفقص جنبك قريب منك قدر المستطاع ولو تحطه قدامك مافي مشكله بعد

تبدأ تقوله كلمه خفيفه مثل [ مين , الو ,تردد اسمه ] .

تردد الكلمه الي تبيها بكل وضوح والطير يكون على مستوى رأسك عشان يستوعب الكلمه

تردد الكلمه 5 مرات وتسكت 10 دقايق وترجع ترددها بشكل واضح 5 مرات لمده نصف ساعه


اترك الطير لمده ساعه يلعب ولا تعطيه اي اهتمام انت راح تلاحظ في هذا الوقت انه راح يسوي اي شي عشان يلفت انتباهك

برضو لا تعطيه اي اهتمام ولا تطالع فيه

بعد ساعه ارجع لنفس الطريقه

في ظرف 3 ايام ان شاءالله راح تسمعه يتكلم بس تكون الكلمه خفيفه عليه ولازم تكون فيه مكافئه

طيرك يحب اي نوع من الاكل ؟

العنب او التفاح او العسل او ماينطق الكلمه تعطيه المكافئه تحفيز . انتبه تعطيه الاكل الي يحبه في اي وقت

اتمنى اكون افدتك

تقبل مروري