[ليندا احمد]

المشاركة الأصلية كتبت بواسطة بسطويسي

والله طال عمرك مالي بالعنقليزي فحكلمك عربي هههههههههههههه

بالنسبة للدول فيس والله مدري ايش قصدك

انا اعرف انو الفيس بالنسبة للبسس 3 انواه

1) مون فيس .

2) بيكي فيس .

3) هاف بيكي فيس .

ياريت تحددي ايش اللي قصدك من ال3 دول عشان اعرف ارد عليكي


بالنسبة لمحلات الحيوانات اللي تبيع بسس فيه كثير

عندك واحة الحيوان في شارع الستين جنب البيك بعد سوق البوادي

وعندك واحة الحيوان اللي قريب من ايس لاند الفرع الجديد


وعندك امزون اللي على شارع حراء بعد دوار السفن

وفيفا اللي بالتحلية جنب شاورمتك

لكن بصراحة لو حتشتري من محل حيوانات مثلن ممكن تشتري بسه بسعر 4 بسس

يعني المون فيس بواحة الحيوان سعرها 2500 بينما برا عند المربين ممكن تلقيها ب 600 و 700 ريال وازا مره مره راعيها طماع وشايف بستو اسد يبعيها بألف ريال

اما بالنسبه للبكي تلقيها بواحة الحيوان احيانن كيتين الوحده ب5 الاف

وبرضو السعر مبالغ فيه لأنك ممكن تلقيها بره بألفين وخمسمية عند المربين

فيعني نصيحتي مهما كان نوع البسه اشتري من المربي ولا تروحي المحلات

عالأقل في جدة برا جدة بالشرقية شفت محلات تبيع بأسعار كويسه نوعا ما

بس قليلة المحلات دي


وبالنسبة لتربية البسس ممتازة جدن وسهله يمكن تطفشي بالبداية لكن لمن تحبي البسه حيسير خدمتك لها لها واعتنائك بها شي روتيني تتعودي عليه وتنبسطي فيه

بس تحطيلها اكل وشرب وتغيري تراب حمامها الله يكرمك وخلاص

المون فيس هوا الدول فيس

وااه انا فكرت سعرها رخيص ب500

وماادري صراحة يمكن اشتريها من المربين عشان ارخص

واذا لقيت دول فيس وصغيرة عند مربي او مربية للبيع مافيه مشكلة بشتري

وانشاء الله اذا اشتريت رااح احط صور الكات هوون وتقولو رائكم

وثااانكس ع المعلوماات