[الجيرمان الازرق والابيض]

بسم الله الرحمن الرحيم
صراحتن عندي قطاوة مو فشيلة كلمة فشيله ما تقدر عليها المهم




مرة امي عازمة حريم انا طبعا لازم اطلع برا البيت طلعت ونسيت ادخل عيال قطوتي سموكي


يوم رحت دقت علي امي وهي معصبة تقول تعال والا ....... قلت طيب بجي الحين شغلت السيارة

وعلى طول رحت البيت جتني امي قالت ترا قطاوتك خربت العشى جب عشى غيره والا..............
انا كنت مجمع فلوس عشان اجدد بيت القطاوة واغراضهم
قلت ما في الا حل واحد اني اشتري عشى لهم بالفلوس الي مجمعها وتوكلت على الله وشرت عشا وياليتني ما شريت عارف انتم تقولون ليش؟ يوم رحت المطعم احس بشئ يحوس بين رجلي وناظرت الى هي وحده من عيال سموكي جاء الي يشتغل في المحل وقاعد يطقها يبغا يطلعها واطيح فذا الرجال طق مسيكين احس اني فقت خشم المهم جت الشرطة وخذتني انا وياه
يوم رحنا القسم قاعد يضحك الضابط يقول تطق ذا المسكين عشان قطو
المهم جا ابوي وطلعني وبغا يبيع القطاوة عشان مشكلة العشا والا الشرطة متعودين
المهم مر الموقف على سلام بعد تقريبا ثلاث ايام الصبح جيت بروح المدرسة شغلت السيارة تحمى ونسيت الباب مفتوح وركبو الشلة معروفين من غيرهم الشياطين الاربعة اولاد سموكي
ورحت المدرسة ورجعت وانا راكب السيارة اشم ريحة خياس واناظر ورا الى هم
ولا فاتحين الساندوش وقاعدين ياكلون ولا فالينها موصخين ومالين بطونهن معد صارت سيارة صارت فندق خمس نجوم المهم

قعدت افكر وش الحل وش الحل
واروح سوق الحمام واشتري لهم بيت كبير يلعبون فيه ويستانسون ويوقفون سلسلة الفشايل
ولا في امل
ارجو اني ما طولت عليكم