[صمت الأمل]

ماشاء الله ..



تمام .. وتقدمك معه ممتاز وهو في هالعمر الكبير . وهو فوق السنتين بس ما أدري بالضبط .. يمكن 5 سنوات مثل ماقال بو سلطان .



باقي بس يطلع على يدك .



وليش تحممه كل يومين ؟؟ في الصيف عادي بس في الشتاء مشكله .. لأن الجو متقلب . يوم بارد ويوم حار .



اذا تقدر تترك الترويش في الشتاء عشان ماتخاطر بصحته فأفضل ..



واذا ماتقدر مرة في الأسبوع كفايه .. وفي وقت الضحى أو أول الظهر أحسن عشان يمديه يتنشف ومايدخله البرد في الليل .



وبالنسبه للأكل الببغاء الثاني اللي عمرة سنه و9 شهور ياكل خضار أو فواكه ؟؟



لأن الأول راح يقلد الثاني في الأكل والكلام بس يبي له وقت شوي ..



واذا الثاني أليف تقدر وماياكل الخضار تقدر تعلمه ..



أنا طريقتي سهله جدا في تعليم الأفريقي في أكل الفواكه أو الخضار ..



اذا كان أليف لدرجه انه يجلس على كتفك فخليه على كتفك وأكل أنت التفاحه .. أو البرتقاله . أو الخيار أو بسكوت أو اللي تبيه ياكله .



وهو بيجلس يراقبك .. وبيحاول ياخذ منك قطعه .. عادي خليه ياخذ ..



بس المشكله ان الببغاء راح يرمي هالقطعه . ماراح ياكلها .




عشان كذا حاول مرتين وثلاث وبإذن الله أول مايشوفك تاكل أي شيء حتى لو ماجربه من قبل راح يصيح عليك ويطلبه منك .




واذا موب أليف لهالدرجه ومايوقف على كتفك ممكن تخليه فوق القفص أو الستاند وقرب عنده واكل أنت التفاحه أو البسكوته وخليه يشوفك .




لأن الببغاوات من أهم صفاتها وطبعها التقلييييد ..


أتمنى لك كل التوفيق مع هالببغاء والله يحفظه ويخليه لك يارب ويسهل عليك تدريبه .