[اتعبني غلاه]

حم احم ..


انا عندي جوز دره وببغاء غيني ..


ابدأ بالدره ..

نزلتلهم صور قبل كدا بس دي صوره قبل اسبوع لما خرجتهم الحوش وعجبني شكلهم مع بعض

بسم الله ماشاء الله



ماشاء الله



الانثى ميمي .. والذكر ميكو ..


الذكر متربي عند الناس من الصغر بس ميمي مصيوده .. صادها ابو صاحبتي من مزرعتو ..


والغريب انو ميكو مرررررررررا يخاااااااااف ويبعد عن اي احد يقرب من القفص ويدخل للصندوق

عكس ميمي تقعد فمكانها ماتهرب الا لما احد يقرب منها مرررررررررررررا



لهم عندي شهرين ونص ..

والحمدلله مبسوطين ..


ونوعهم دره مطوقه هنديه


بس ياخساره دا اخر اسبوع لهم عندي .. لاني اتعلقت بكوكا ((الغيني)) وابغا افضالو

اما دول حوديهم لمزرعة بابا ينبسطو هناك احسن ((في الطايف))الله يعينهم ع البرد خخخخ

طبعن انا من يوم ماجبت الغيني .. وهما وقفو صفير وسارو بس يزعلو

حتى اكلهم خف .. ومن يوم مايوقف على قفصهم يعضوه ويضربوه

وحووسه ...


وكدا انتهيت منهم ...




ونجي للحلو التاني


كوكا حبيب قلبي ..


نوعو ((تمنه)) او زي مايقولو ((غيني))


عمرو سنه و8 او 9 شهوور


قربت عينو تسير صفره


اليوم كمل عندي اول شهر ..


انا اشتريتو من واحد فالمونتدى ..


وقعد عند صديقتي يومين وماشاء الله اتعلم تصفير الكوكاتو حقها ..

وبعدين جاني


كان كلمة شرس قليله فيه وربي يديي كلها كانت جروح ماكاني بنننننت ..


كل من شاافني انفجع حتى كتير قالولي ارميه ايش تبغيبو دا للاولاد وخرابيط بس ايش اعمل

اتعلقت فيه مرا


وسار اليف الحمدلله

بعد ماقعدت اجرب طرق تدريب مي فالمونتدى

بس كل مرا اخترعلو طريقه

بس الاساس من هنا ..


ودحين يطلع على يدي

واحكلو راسو ازا كان علارض

بس ازا كان فطاوله اوو ف ستاند او كنبه او كرسي او اي شي مرتفع لا


وانا مايعضني لما اديلو اصباعي بس يلحسو ..

معا ني لاديتو عسل ولا شي

بس غيري لو جا حطلو اصباعوو اوووف ياخدلو عضه قوويه


الحمدلله الحمدلله ..


ويلا هادي صورتو وهو على يدي .. ((قبل اسبوع))

ماشاء الله




وهادي صورتو دحين وهو على طاولة الاب توب .. بيلعب فمصاصة العصير

ماشاء الله



طبعن الستاير دي والحوسه هو مسويها ماشاء الله عليه .. مارتب الغرفه


ماتمر ساعه الا وهي معدمه وحالتها حاله حتى دولاب الملابس يدخل ويقربع ماشاء الله عليه


ربي يحفظو ويحميه ويخليه ليا