يعطيك العافية :
أنا بديت في طريقتك من اليوم ..
لكن الطير اللي عندي له تقريبا شهر ..
أول ما اشتريته كان يجعر جعره متوسطه وما يعض إلا إذا قربت يدي منه مرة وحاولت أمسكه مع الأيام والتجارب المتنوعة أكل من يدي وطلع على يدي إذا لبست قفاز فقط أما بدون قفاز مستحيل
ما يداني يدي تقرب منه يجعر ..
بديت أحطه على الاستاند فوق القفص .. وتواجهني مشكلة إني أعجز ما أقدر أرجعه للقفص مرة ثانية ..إلا بالقوة والله إني أحس انه يتعذب مني ...
المهم مع الأيام أحس أني تركته على كيفه بالصالة وبرا القفص على الاستاند ينزل ياكل ويشرب وإذا شاف أي شخص على طول و بسرعة يطلع فوق القفص .. وأحيانا يطير من القفص الى الستارة فوق ومرة على الباب وهكذا مع الايام حسيت أنه صار يجعر بصوت أعلى من أول ويهرب مني بقوة وبدأ يحاول يعض بشراسة أحس أنه يكرهني ورسم صورة عني سيئة ....
السؤال : هل باستطاعتي زرع الثقة فيه من جديد وبداية مرحلة جديدة في ترويضه أم لا ؟؟
وهل أغير مكانه السابق أم أبقيه فيه وأخشى أن يتذكر ماسبق ؟وهل لقص المنقار والجناحين فائدة؟
ومشكور مرة اخرى على الموضوع المهم لنا نحن المبتدئين