|
الببغاء ينقز من الاستاند ويحوس البيت
بسم الله الرحمن الرحيم
السلام عليكم ورحمة الله وبركاته
اخواني عندي ببغاء افريقي وحاطه بقفص اللي ينفتح من فوق وطول ما انا حابسه يخبط بالقفص ويبي الطلعة فأحيانا افتح له الباب اللي فوق واحط عصا بينهم ويرقى وينبسط لكن خمس دقايق وهو ناقز وحايس لي البيت مع اني قاص جناحة بطريقة ممتازه يعني خليت اول ثلاث ريشات طوال وقصيت الخمس اللي بعدهم مايقدر يطير لفوق لكن يوقع بسهوله
الببغاء الحمد لله اليف عيونه سوداء وعنده تصفيره وحده خفيفه لكن ابيه يركد فوق القفص ورحت للمحلات لقيت تنباع له سلسلة تحط برجله لكني اخاف ينقز وتنمصع رجله وش الحل ياخبراء ؟
__________________
اللهم ربي من ارادني بسوء فأشغله بنفسه واجعل كيده في نحره واجعل تدبيره تدميرا عليه ياقوي ياعزيز
لن انسى اني رجل وسأحترم رجولتي قبل كل شيء
|