[CaRni]

اهلا بيكم ..
يا رب تكونوا بافضل حال ..
نور حالياً عامله مشكلتين و عايزكم تساعدوني في حلهم ..

الاولى ..
قط الشارع المتشرد ..

المشكلة ان بعض شبابيك البيت تطل على سطوح البناية المجاورة لينا ..
المشكلة ان في قط يجي لنور تقريباً بشكل يومي .. لدرجة انه اقام امام الشباك عندنا ..

انا خايف على نور من انها تمرض منه .. او يجيلها اي مرض او عدوى ..
اعمل ايه علشان اخليه يمشي من عندنا ..
مع العلم اني رشيت عليه ماء و مفيش فايدة ..

و كمان نور مش في فترة التزاوج ..
و القط ده مرة تبول على الشباك عندنا ..
اعمل ايه ايه ..؟؟


المشكلة الثانية .. :

نفس مشكلة الشباك بردوا ..
نور تخرج من احد الشبابيك و تجري على سطوح البناية المجاورة ..
لدرجة اني لسة اليوم جايبها من بلكونة الجيران في العمارة دي ..

و كان خلاص هتقع في الشارع ..

انا طبعاً طلعت على السطوح علشان ادور عليها .. [ لاني عارف انه هتكون هناك و مش اول مرة تعملها .. ]

و اول ما شافتني .. جت جري عليا و كانت عايظة تطلع من البلكونة دي و لكن قعدت تحاول لحد مما طلعت .. و جت جري عليا ..

القضية هنا ..
اني خايف عليها تطلع مرة متعرفش ترجع تاني ...
ازاي ممكن اعاقبها علشان نا تكرر الحجاية دي تاني ..

انا ضربتها ضربه خفيفة كدة على ايدها .. و عليت صوتي و انا بكلمها ..
هل كدة يفي بالغرض و لا اعمل ايه تاني ..
دلوقتي هي واقفة و عايظة تخرج تاني ..

بالاضافة اني خايف عليها من التراب و الامراض اللي ممكن تكون بالشارع ..

اعمل لها ايه ..؟؟

منتظركم ..