[كاسكوكيه]

السلام عليكم و الرحمه..

أخبار ببغاواتكم؟

هالموضوع صار لي فتره افكر انزله.. << او بالأحرى أكتبه.. بس الشغل و ما يفعل..

المهم.. الموضوع بسيط جداً بس مهم أجدد من الجداً بالنسبه لحياة ببغاواتنا..

وأتوقع يصير عليه اهتمام موازي لاهتمام أصحاب الببغاوات بألعاب طيورهم..

باختصار.. في الطبيعه..الطير يقضي ساعات و هوه يبحث عن الطعام.. و بعد وجوده في الأسر.. يوصل له الأكل لغاية عنده

نشاط البحث عن الطعام في الموطن الاصلي يساعد الطير على الحركه.. و حتى يشغل مخّه..

بالنسبه للطير المأسور.. الأكل يوصل له للقفص.. يعني لا مجهود ولا تفكير .. حتى ما يبذل طاقه ولا جهد..

و هالشي ممكن يصيب الطير بالملل.. الكسل..

So..

شو الي علينا نسويه بالضبط الحين؟

باختصار.. نحاول نصعّب على الببغاوات الوصول للأكل.. ونشغلها بهالطريقه عن أشياء كثيره.. و من بينها الملل.. و النتف.. و حتى تخريب الأثاث.. او غيرها من الأشياء الي ما تعجب المربّي..

بس اهم شي ما يكون الوصول للأكل صعب جدا لدرجة ان الببغاء ما يقدر يوصل له

فيه اشياء جاهزه تقدر تحشي الأكل فيها.. و تخليها معلقه في قفص الببغاء.. مثل هالصور...














و ممكن نصنع هالأشياء بنفسنا.. و بكل بساطه.. مثلن..

هاتوا أي كيس ورقي... حطوا فيه اي اكل ناويين تعطوه لطيركم.. و سكروا الكيس.. و علقوه في القفص..



أو مجرد ورقه عاديه و نغلف فيها الأكل للطير و نحطها في صحن الأكل.. و نشوف الأفكار التاليه..






و هاي فكره الكرتونه.. نقدر نسويها كل يوم.. و هاي الخطوات

بنحتاج.. كرتونه صغيره.. << حسب حجم الببغاء
قش أو ورق مقطع صغير
حبوب
خيط لتعليق الكرتونه
(باقي الاشياء بتشوفون كيف بنسختدمها في الصور)







بعد ما نحط قصاصات الورق.. نضيف الحبوب..



وهذا شكله من داخل قبل ما نسكره





نحكم اغلاق الكرتون .. قبل ما نعلقه..





و هاي بعض الافكار الاخرى لنفس الفكره.. ولكن بدل الكرتونه.. كيس صغير و علبة هدايا صغيره..



و ممكن انكم تخلّون الصحن مال الأكل.. بس تخلطون الحبوب بورق مقطّع .. مثل هالفيديو..



وشوفوا هالكاسكو و محاولاته عشان يوصل الأكل



و فهالفيديو.. هالفكره انا مستخدمتنها مع شامبيه وبوشهاب.. الي بنحتاجه اكواب ورقيه.. و نحط فيها الحبوب و نسكرها من فوق (نكبسها) و نعطيها الطير او نعلقها..



.. و نجاح من المكاو..



باختصار.. خلونا نشغلهم.. و نشغّل لهم تفكيرهم..