|
أرجوا الدخوول ... الطير مسكووون !!
السلام عليكم
بدخل بالموضوع ع طول
صراحة مدري و ش اقول غير ولله في خلقه شؤون !
كل فترة الطير يبهرني بتصرفاته
واخر موقف كان امس
انا دايما اردد كلمة وشفيك الين اخذها مني ...
المهم امس كنت جالسة وياه بالغرفة .. شوي اسمعه يقولها لي ,, وشفيك ؟
رحت رديت عليه بكلمة ,, ما فيني شي
قام رد علي وقالي .. إلا !!
انا صراحة انصدمت من كلامه وقلت خليني اكمل وش نهاتها معاه ..
فقمت قلت له والله ما فيني شي
تخيلوا وش رد علي !
قالي .. كذابة !!
واقسم بالله قالها كذا بطريقة مضحكة طبعا حرف الذال قالها مب واضحة كثير بس الكلمة مفهوومة
لدرحة اني تخيلتت الطير مسكووون و من الرعب هجيت من الغرفة 
المهم .. اليوم نفس الشي قالها لي
وشفيك ؟
قلت ما فيني شي
قالي الا
قلت ما فيني شي
وهالمرة قالي... أوووه !!!
...
انا ادري انكم تحسبوني استهبل او مجرد توهم ولا انجنيت
صدقوني الكلام سمعته وبوووضووح والله
احد يفسر لي السالفة
هل نسبة ذكاء الطير توصل لهالدرجة ؟؟؟
و هل فيه احد منكم مر عليه موقف زي كذا مع طيره ؟
انتظر ردووودكم ريحووني ... 
|