|
رد: عاجل ،، ولا بروح فيها ضحية لقطوتي
حل ميمي حلو لكن لما تعضك ومايكون متوافر جنبك مرش المويه إيش تعملي؟
في كمان طريقه مجربه > وممكن تكون نافعه لقطتك
أنا عن نفسي مره طريقه نافعه مع قطي ,, ومايفكر ابدا يعضني ولا عمرو تجرأ لأنو يعرف إني حكون صارمه معاه
شوفي اختي وقت اللعب غير ووقت الحنان غير ووقت الجد غير خليكي مع قطتك زي كدا لما تغلط فيكي مو تظهريلها الحب لا دا شوفي كيف جاب نتيجه سلبيه عليكي بدأت تربط بين عضها وخمشها لكي وبين إنو يكون دا الشي بكل وقت تكوني جنبها
لما تجي قطتك تخمشك او تفكر تعضك او تتهجم عليكي قوليلها :: لأ :: بنبره قويه جدا وخلي عيونك بعيونها خليها تفهم إنك إنتي سيدتها وإنك رافضه دا التصرف منها
وبنفس الوقت وارفعي اصبعك السبابه أو اصبعين في وجهها شوفي الصوره
خليكي صارمه مره معاها ولا تضهريلها أنك خايفه ابدا لأنو لو حست إنك خايفه منها راح تتمادى وممكن تإذيكي
تذكري إنك إنتي اللي تربي قطتك وإنتي اللي تخليها تترك العض والخمش مو هيا اللي تقدر تتسلط عليكي وتإذيكي براحتها
وبعد ماتهدا ابدأي ارجعي امسحي عليها واهمسيلها اضهريلها حبك وحنانك
القطط مو بدي البساطه حتترك دا الطبع لكن إحنا كمربيين نحاول بكل الطرق إننا نحد أو نقلل من دا التصرف ,
ولاتفكري تستعملي الضرب معاها اولا هوا حرام تانيا حتخسري حبها وتعلقها فيكي
ولما تعمل شي طيب وحلو وتكون مطيعه وهاديه كافئيها بحلاوه خاصه بالقطط مره يعشقوها كل القطط وبدي الطريقه كمان تتعود إنها ماتعضك ولا تخمشك ولا حتى تإذيكي وبنهاية اليوم حيكون في مكافئه ^_^
|