[بلابلي الصغيره]

السلام عليكم ورحمة الله وبركاته

بعد غياااب طويل عدة بينكم أخوتي الكرام ..

أريد آخذ رأيكم في سلوك بلبولي الذكر ضد الأنثى هو عدواني إتجاه بالحييييييييييييييل لدرجة قمت أضربه حتى يبتعد عنها ... أولاً أشرح لكم كيف هو عدواني

أنا لدي فقط هذي الأثنين من البلابل الحساوية الجميلة و هذي صورتهم بس من بعيد بعد قلبي يجنوني عيالي

[IMG][/IMG]

المشكلة أبتديت من عدة شهور كل الذكر ينتف ريش الإنثى إذا كانت معاه في القفص بس في البدايه على الحفيف وكل يطاردها و ينقض عليها كالصقر على فريسته و ينتف ريشها من الجذور تعور القلب مسكينه ما ادري شنووووووووو يريد منها هذا الأهبل بس يبتدي يطالعها تطلع صوت كأنها تستنجد بي
و إلى الآن تقريبا عمرهم تسع شهور زاد الوضع على طول يريد ينتف ريشها و صج صايره بالمره ضعيفه وكل ريشها منتف و جناحينها مكسرهة و الذيل ما يخليه لها كل يقطع لذلك ما تطير إلا مسافات قصيره بالحيل و أرتفاع بسيط بالحيل يمكن بس نصف متر

فهو يطاردها في القفص و خارج القفص لو تكون عندي تحت يدي يجي يضربها و يطير و إلا ما شافها كنت مغيبتها في ملابسي يجي يدور عنها و يحاول من أي منفذ يدخل لها
( توم و جيري .. بالضبط )
و إذا جالسه على كتفي يجي بسرعه يضربها و يطير فأنا أصده بضربه على وجه فهو يوقف في مكانه مده طويله كأن مستغرب من الضربه التي جاته بس يستاهل و أكثر
أملللل و احطها هي داخل القفص و اغلق الباب يدور حول القفص يجننها و هي تخاف منه فما تستقر ولا تأكل بسببه و مرات لا أحطه هو في القفص و هي بره بس اطفش من وجها كل جايعه و كل جالسه عندي ما تبي تروح عني مرات ألوحها بالقوه .. مسكينه .
أحس أني ما أتكلم عن بلابل حقيقية عن رسوم متحركه بس هذا الواقع و مطلع أجنوني شنو اسوي وياه حتى يتركها بحالها


أبي رايكم و هل سلوكه طبيعي؟؟!!!
لآنه في بيت مربين وعلى الرغم هم مع بعض ربيتهم و هم أصغار
و شنووووو أسوي مع هذا الأهبل و شنووو تفسير عدوانيته أتجاه .. شكله ما يحب الجنس الناعم