منتديات تو زوو - عرض مشاركة واحدة

Dominique · 30-09-2006, 08:17 AM

السلام عليكم.. كل عام وانتوا بخير وعساكم من عواده كل سنة انشالله ..

أولا الاربش مشكور على هالمبادرة..

ثانيا سوري على التأخير الغير مقصود ..توني قاعدة أتعبث بالمنتدى أشوف شكو ماكو ..

ثالثا وهو الأهم ...

آنه دومينيك Dominique أنثى طبعا .. وأميري وحبيب روحي Dominic قط شيرازي ذكر روعة بنظري ..
عمري 22 مواليد 26 / 7 / 1984
( انشالله اذا نجحت بالدور الثاني ) أكون سنة رابعة هندسة ديكور - عاد انتوا اختاروا : داخلي، خارجي، مسرحي..- انتوا وحظكم ..

من الكويت - مو متزوجة

هواياتي يا محفوظين السلامة عد وخربط.. مثل ما يقولون سبع صنايع و... انتوا كملوها عاد.

أول شي الطبخ .. أوف شنو غرامي الطبخ والمطبخ ورمضان ( لأني أتنقع بالمطبخ ) أطوف محاضراتي الصبح علشان أنام علشان أقوم الظهر وأدش المطبخ .. وهاك الزفة المعتبرة يوميا من الست الوالدة .. عاد ها طباخي ماكو عليه وبشهادة الكل..

يليها : تربية البيبيات وااااي شللللللم قلبه البيبي واحلاته أحب اليهال وأموت عليهم ، دنيا بدون يهال ماتسوى ..

تصميم الأزياء والشك والحياكة بالصوف ( سويت شالات حق الشتاء من ألحين ) الرسم وعلشان جذي دخلت هالمجال الدراسي، مع اني ما كان ودي أدش لا جامعة ولا معهد ولا أي مكان، بنظري المرأة خلقت للبيت ورعاية الزوج والأبناء وشهادة الثانوية بس كافية ، بس الوالد وقناعته " سلاحج شهادتج " يعني قاعدة أكمل مغصوبة.. و مافي أمل أشتغل مستقبلا لو يناقزون ..

و القراءة ، كتابة القصص القصيرة ، متابعة المعلومات العامة.. أحب القصص الغامضة والحكايات الأسطورية والخرافية وأمووووت على قصص vampires وكل ما يتعلق فيهم من معلومات وشخصيات .. مثل ماتقولون يعني لي عالمي الخاص وجوي اللي مسويته أونس نفسي فيه..

الهواية اليديدة على حاليا وشغلي الشاغل Dominic حبيب روحي قطوتي والله ومادري اذا تصدقون أحسه مثل ولدي وأعز كل ما أناديه أقول " دمدم ماما حبيبي " وأباريه جنه بيبي ..

طولت عليكم وايد وصكيت راسكم بخرابيطي .. السموحة هذي آنه باختصار

....

30-09-2006, 08:17 AM	#4
Dominique عضوية شرفية	رد: ممكن نتعرف اكثر ( بطاقه شخصيه ) السلام عليكم.. كل عام وانتوا بخير وعساكم من عواده كل سنة انشالله .. أولا الاربش مشكور على هالمبادرة.. ثانيا سوري على التأخير الغير مقصود ..توني قاعدة أتعبث بالمنتدى أشوف شكو ماكو .. ثالثا وهو الأهم ... آنه دومينيك Dominique أنثى طبعا .. وأميري وحبيب روحي Dominic قط شيرازي ذكر روعة بنظري .. عمري 22 مواليد 26 / 7 / 1984 ( انشالله اذا نجحت بالدور الثاني ) أكون سنة رابعة هندسة ديكور - عاد انتوا اختاروا : داخلي، خارجي، مسرحي..- انتوا وحظكم .. من الكويت - مو متزوجة هواياتي يا محفوظين السلامة عد وخربط.. مثل ما يقولون سبع صنايع و... انتوا كملوها عاد. أول شي الطبخ .. أوف شنو غرامي الطبخ والمطبخ ورمضان ( لأني أتنقع بالمطبخ ) أطوف محاضراتي الصبح علشان أنام علشان أقوم الظهر وأدش المطبخ .. وهاك الزفة المعتبرة يوميا من الست الوالدة .. عاد ها طباخي ماكو عليه وبشهادة الكل.. يليها : تربية البيبيات وااااي شللللللم قلبه البيبي واحلاته أحب اليهال وأموت عليهم ، دنيا بدون يهال ماتسوى .. تصميم الأزياء والشك والحياكة بالصوف ( سويت شالات حق الشتاء من ألحين ) الرسم وعلشان جذي دخلت هالمجال الدراسي، مع اني ما كان ودي أدش لا جامعة ولا معهد ولا أي مكان، بنظري المرأة خلقت للبيت ورعاية الزوج والأبناء وشهادة الثانوية بس كافية ، بس الوالد وقناعته " سلاحج شهادتج " يعني قاعدة أكمل مغصوبة.. و مافي أمل أشتغل مستقبلا لو يناقزون .. و القراءة ، كتابة القصص القصيرة ، متابعة المعلومات العامة.. أحب القصص الغامضة والحكايات الأسطورية والخرافية وأمووووت على قصص vampires وكل ما يتعلق فيهم من معلومات وشخصيات .. مثل ماتقولون يعني لي عالمي الخاص وجوي اللي مسويته أونس نفسي فيه.. الهواية اليديدة على حاليا وشغلي الشاغل Dominic حبيب روحي قطوتي والله ومادري اذا تصدقون أحسه مثل ولدي وأعز كل ما أناديه أقول " دمدم ماما حبيبي " وأباريه جنه بيبي .. طولت عليكم وايد وصكيت راسكم بخرابيطي .. السموحة هذي آنه باختصار ....