[سحابة خير]

المشاركة الأصلية كتبت بواسطة أبوبكر

اشكرك سحابة خير على التفاعل...
والله اكلهم بقدونس و كراث و بصل و طماطم و خيار وحب ورز ناضج
طبعا بطريقة عشوائية يعني مافي جدول ولا تحديد..
ولو تعرف شيء مفيد لهم وغني بالكالسيوم تفيدنا به؟؟؟
و كيف اصنع عش للدجاج لكي تبيض وترقد على البيض يعني لو تعرفي طريقة أو............
وطبعا العش يكون داخل المحكر...
ولو عندك اي معلومات تفيدنا في تربية الدجاج اكون شاكر لك
معليش تعبتك معاي..
وأي طلب ما يردك الا لسانك...
بانتظار ردك..
تحياتي..

حاضرين لك الغالي

أنت تامر ومن عيوني أسعد بخدمتك

بخصوص الأكل ماشاء الله عليك الأكل الي تعطيهم ممتاز وبدور لك في بعض المراجع الي عندي عن الكالسيوم وبرد عليك قريب ان شاء الله


وبخصوص عش الدجاج عندك عدة طرق منها:

1 - تجيب صندوق خشب مربع مسكر من كل الجوانب إلا جانب واحد عشان تدخل منه الدجاجه ممكن تسويه بنفسك وحط فيه رمل أو عش وراح تشوف ان شاء الله البيض يتجمع فيه

2 - وممكن تجيب جره كبيرة من الفخار وتحط فيها رمل أو حشيش والرمل أحسن وراح تلاقي الدجاجه بنفسها تبيض داخله.

3 - وممكن تجيب طابوق وتسوي بيت صغير للدجاجه بحيث يكون مربع

طابوقتين على كل جانب وتسكر السقف بقطعة من الخشب أو الحديد

والسقف الحديد أحسن عشان المطر


راح أجمع لك صور وان شاء الله أرفعها لك قريب


وان شاء الله للحديث بقية