[أفنان]

السلام عليكم

اخوي جاب بالبيت قبل ثلاث ايام كلب ما ادري ايش نوعه
المهم الكلب هذا اخذه من صديقه ولا نعرف شي عن الكلب ..
بس الكلب مجنن القطاوة مهبل فيهم مو مخليهم يسوون شي
احنا عندنا بالحوش غرفة مخلين فيها قطاوة .. والغرفة هذي شفافة يعني الكلب يطلطل عليهم كل شوي
المهم الكلب يطالع فيهم طول الوقت وان تحركت وحدة منهم نابح عليها .. والله مسوي لنا مأساة القطاوة ما نقدر نحط لهم اكل ولا نفتح بابهم الا بالغصب !!
قبل شوي جيت بطلع قطوة منهم بدخلها عندي البيت .. طلعت القطوة وياليتني ما طلعتها !! جلس يلاحقني وينقز على يدي يبي القطوة ترجع الغرفة .. والله خفت عالقطوة لا يسوي فيها شي وهي حامل خفت تسقط من الخوف ..
المهم دخلتها عندي البيت بسرعة وسكرت الباب ..
بس الأخ ما وقف نباح عند الباب ويشمخ الباب من يوم دخلت القطوة .. لين طلعت القطوة ورجعتها لغرفة القطاوة
مادري وش قصة هالكلب مجنون !!! أول يوم جابه اخوي حطه بالحوش وفتح غرفة القطاوة .. ويطلع قطو من الغرفة ويشوفه الكلب ويعطيه ذيك النظره !!! ويبدأ مطارد ورا القطو المسكين والله دورتين حول الحوش وهو يلحقه !! لين مسكناه ودخلناه
وشي ثاني ما يخلينا نطلع من البيت ولا ندخل .. وان جا احد للبيت يوووه ينبح عليه نبااااح
امس جونا عمال بيدخلون للبيت جلس ينبح عليهم وخافوا .. وسواقنا كل ما يدخل البيت ينبح عليه ...
وش الحل معاه ؟