[سامبل تيود]

بسم الله الرحمن الرحيم ..

حمدا لمن لا يحمد على مكروه سواه ، وصلاة وسلاما على خير من وطئت قدماه ثرى الدنيا ، وبعد ..

بالخير يا إخوان ..

عسى ربي يرفع قدركم ويمد في عمركم ..

يا شباب .. بصراحة أنا شاااااااب راسي من ( الحمام الزاجل ) .. بسب هواة الزاجل اللي حولي ..

ما أحد يعطين جادة أو يطربك بكلام صحيح معقول ..

أنا فعلا أحب الزاجل وأعشقه لأسباب كثيرة ما تخفى على كثير من هواته ..

لكن ما أدري ليش الهواة اللي عندي خاصة بالقصيم .. ما لقوا إلا أنا يضحكون عليه ويمرمطون فيه لكن بإذن الله الواحد الأحد بفضله سبحانه ثم جهودكم راح تروح هالدوامة إلى ما لا نهاية ..

عندي حاليا جوزين ( زاجل ) .. أعترف إني كنت غلطان لما أخذتهم بهالسعر لكن الشكوى لله ..

الجوز الأول :





أخذت الجوز هذا من واحد من الشباب بحدود الـ 180 ريال وكان معاه فرخين ( لحم ) ..

هذي صورتهم ، واحد منهم شكله ذكر ، وما شاء الله لووونه خيال ما طلع على أبويه الكريمن ، لكن المؤسف إن أبوه مرمطه لييين قال بس ..

هذي صورتهم :



والآن مثل ما تشوفون ما شاء الله على الطبة الثانية ( فرخ واحد واضح بالصورة )

( وتابعوا لا هنتم استفساراتي آخر الموضوع )

الجوز الثاني :







أخذت هالجوز بحدود الـ 180 ريال ، وكان على بيض ، وجلس عندي كم يوم وبيض غيرهن لكن ما صلح ورميت البيض ، لوه الآن حدود الشهر ما بيض ..

استفسارات يا غالين وأرجوكم تحملوووني ..

مستويات الجوزين ؟!

أسعارهم ؟!

أنواعه أو فصائلهم بالتفصيل ؟!

هل من الممكن أن أستفيد منهم تطيير ( سباق ) ؟!

نصائحكم عموما وتوجيهاتكم ..

أخيرا سؤال مهم ..

عرض علي طبة ( فرخين ) مضمونات سباق من رجل ثقة معروف بسباقات الزاجل ، بـ 100 ريال ، وقال مضمووووووووووووووونات ، وأمهاتمم يجون من مسافات ما اشء الله .. هل السعر مناسب ؟!

مشكورين يا حبايب وأنتظر ردودكم بأسرع وقت على أحر من الجمر ..

محبكم ..