[Dominique]

الحل عندي يا أم دودو..

أولا حمام واحد لأربع قطط وأمهم شوية على الأقل حمامين ... لكل قطتين حمام ...
دومينيك لما دش بيتنا أول مرة كان محبوس بغرفة مع حمامه.. تدرين وسوسة الأمهات.. فتعود على ريحة التراب وبدا يوسخ بحمامه..
بعدها قلنا نعوده يتمشى بالبيت ويدخل كل الغرف.. بس شنو غلطتنا.. نقلنا حمامه بره الغرفة وكان في بالي إنه إذا شاف صندوق حمامه راح يعرف إنه في هالمكان يوسخ. . لكن صار العكس.. كان يرجع لمكان حمامه القديم ويوسخ على الأرض وبعدين يحفر في السجاد... تصوري..

شنو سويت الله يسلمج..
\
حطيت دومينيك في صندوق ووديته البيطري علشان يتحمم.. وخذت هالسالفة تقريبا 4 ساعات بره البيت.. لما رديته البيت خليته محبوس في الصندوق ورحت نظفت حمامه.. وحطيته في مكان جديد..
عقبها فتحت صندوق دومينيك وخليته على طوووووووووووووووول يدخل حمامه وظليت حابسته فيه دقيقة كاملة علشان يعرف ريحة التراب...

من بعدها صار ما يوسخ إلا بحمامه....

فأول شي لا زم يكون عندج صندوقين كل قطتين بصندوق.. أولا علشان تخف الريحة وعلشان ما يصير ضغط على الحمام..
وبعدين طلعي كل القطط مع أمهم بره البيت بصناديقهم.. وجهزي الحمامات .. ولما ترجعين البيت دخليهم الحمام وحبسيهم دقيقة كاملة حتى بعدين راح تشوفينهم يتصارعون يبون يطلعون..

وانشالله يتعودون على التراب..

سوري طولت عليج..