27-09-2009, 11:17 AM
|
#4
|
|
محترف
|
رد: سؤال جنائي لطيور الحب
هلا اخوي الزير
مشكلة اذا ماكنت تنوع في أكل الطير ,,
الحبوب شي رئيسي ويقدم له يوميا ً لكن لازم يكون مع الحبوب أشياء ثانية ,,
مثلا تقدم له يوم السبت والاحد ( حبوب الكروان الي انت ذكرتها )
الاثنين تقدم له ( حبوب الكروان + قطع تفاح صغيرة كمثراء برتقال )
الثلاثاء تقدم له ( حبوب الكروان + ورقة جرجير وخس ) مع ملاحظة عدم اكثار الجرجير لانه يسبب له ( اسهال ) وانت بكرامة ,, وتتأكد من غسل الجرجير والخس بشكل ممتاز عشان مايكون فيه حشرات او ديدان ,,
الاربعاء والخميس تقدم له حبوب الكروان ,,
الجمعة تقدم له ( حبوب الكروان + ربع حبة كوسة وجزر ( مسلوقة مع شوي ملح ) وقطعة صغيرة بطاطس 
وتقدم له بشكل شهري مره في الشهر تاخذ عصارة الثوم ( السائل ) وتحط له تقريبا قطرتين او ثلاث مع الموية لمدة يوم واحد في الشهر ,, والبصل قطعة صغيره مره وفلفل حار لانها فعالة وطاردة للديدان الي تكون موجودة في البطن ,,
ولا تنسى الفتمينات ,, تحصل عند البيطري كيس صغيرة سعرها 15 ريال الى 20 ريال تحط له من 3 الى خمس مرات في الشهر وتسئل البيطري عن مقدار الفتمينات الي تحطها في الموية ,,
ولو تطلق الطير كل يومين 3 ايام في الاسبوع تخليه في وسط الغرفة وتفتح القفص عليه تخليه يطير ويتمشي يكون احسن له لانه يتحرك ويبذل جهد وبكذت نضمن انه مايشحم لان لو شحم بتكون عملية الانتاج عنده صعبة ,, وفوق كذا تخف الامراض لانه يتحرك ويكون نشيط ,,
اتمنى اكون افدتك اخوي العزيز ( الزير ) ,,
اخوك ابونواف
|
|
|