[اكتواري]

السلام عليكم ورحمة الله وبركاته
قال صلى الله عليه وسلم: « ثلاثة لا يكلمهم الله يوم القيامة ولا ينظر إليهم ولا يزكيهم ولهم عذاب أليم: المسبل إزاره والمنان والمُنَفِّقُ سلعته بالحلف الكذب » [رواه مسلم].
يااخوان انا في اشد الاستغراب وقديما قيل اقوى من عين القح... والنصاب ماتحصل..يعني فوق شينك قوات عينك..؟
يبعث مسجات حنا اللي حررنا بلدكم وصرفنا عليكم..! يااخي انا شاري منك صاروخ باتريوت والاكاسكو؟؟
اولا دامك دخلت من هذا الباب انا اجزم انك تكروني ولعن الله المنان وثاني شغله لااحد ينكر دور الشقيقه الكبرى المملكه العربيه السعوديه ومواقفها المشرفه اللي موانا ولاانت يقيمها ولاهذا مجالها..
ثالث شغله انا ماطلعت من الكويت والحمدلله حتى لايأتي شخص مثلك ويمسكها علي ذله ..
الرابع وهو صلب الموضوع: انا بصراحه استغربت لمن وصلت وشفتك اخذتني بالاحضان واخذت تقبل خشمي وكتفي وهلا عمي ووجهك ازرق!!! قلت هذا فيه بلا ولكن عرفت ليش كل هذا لمن وصلت البيت وشفت جعار الطير!!
يااخي 4000 ريال والله العظيم ماتهمني لوانك قايل انا انسان محتاج كان رديت بالمبلغ والطير ولاانك تحلف بالكذب وتشوه سمعت منتدى وناس طيبين..
خذها مني يالبدر والله ماراح اتوفق وراح تصرفها على صحتك وعموماً انا اطلب واتمنى من المشرفين الغاء الموضوع لانه بصراحه لعنت ابوالساعه اللي عرف فيها رقمي هالدلخ وازعجني كل ثلاث ثواني مسج ومسوي فهلوي!!
وبالاخير انا والله العظيم ماشفت ولامر علي واحد يبوقك ويدعي على عيالك والله المستعان