[سمساار]

المشاركة الأصلية كتبت بواسطة KING RSA

هلا والله

عندي افريقي عمره اقل من سنة
ماشاء الله عليه مايجعر الا اذا كنت بذبحه والعض ناسيه الا اذا مسكته لكن
اغلب الوقت يوخر يدك بس ..

س / كيف اكله من يدي لاني لما اعطيه يرمي الاكل ؟ !

س / انا افتح القفص له علشان يطلع لكن مايبي يطلع اطلعه غصب ؟





: )

حياك الله اخوي


اذا حبيت تطلع طيرك وعند ماوده بالطلعه تستخدم معاه اسلوب ثاني وهو انك تفتح غطاء القفص العلوي وتلفه ودخله بالقفص بشكل عامودي وتقربه من الطير راح تلاحض الطير يتعلق فيه بمنقاره ارفع الغطاء شوي تلقى الطير يتمسك الغطاء بمنقاره ورجوله بعدها اخرج الغطاء من القفص وكذا تكون طلعت الطير من القفص


واما تاكيل الطير من ايدك فانا كاتب الطريقه بمذكرة التدريب اقراها وطبقها عليه وراح تشوف الفرق بعينك


وهذي نسخه من المذكره



تامر امر يالغالي


حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح



في حال اي استفسار مستقبلا انا موجود وانا دائما بالخدمه
_________________