|
رد: حب لغيرك مثل ماتحب لنفسك
بصراحه موضوع يفكر فيه اي واحد يبحث عن حل لمشكلته
هل الرد اللي جاني متاكد منه صاحب الرد وجربه او انه قرا كم موضوع واستنتجلي الحل
بدون ما يتاكد
بصراحه عانيت يوم مشيت مع كلام اكثر الاعضاء ان السريلاك حل بديل لغذاء الفروخ
وكانت معلومه ناقصه اي ان الطير ممكن يعيش لكن بيعيش بحاله صحيه رديئه
لان السريلاك ثقيل على الفروخ ومات عندي اثنين عرفت ان السيريلاك هو السبب
يوم عرضت الحاله السلبيه اللي وصلت لها الطيور من انتفاخ حوصله وعدم هضم الفرخ للغذا ما جاني رد لان اغلبهم ما جرب واللي جرب ما وضع سلبيات الغذا هذا
والحمد لله جلست افكر وشلون الحق على الفرخ الاخير وانا اللي اسال الوالده
وش الحل الفرخ معد يهضم والحمد لله الوالده راعيت طب شعبي
قالتلي جرب الشعير لان عائشه رضي الله عنها قالت ان الرسول صلى الله عليه وسلم اذا مرض يعطونه الشعير لمدة ثلاث ايام
والحمد لله الوالده اخذتلي شوي من الشعير مقدار نصف كاس مويه
ثم طحنته ثم طبخته مع الما الين صار لزج تقريبا
ثم عطيته الفرخ الاخير
اول يوم بدا يتجاوب الفرخ وبدا يهضم الاكل بس باقي الحوصله ما تهضم الاكل كامل
ثاني يوم جيت لقيت الفرخ فاضيه حوصلته هنا استانست انا
واعطيه من الشعير اليوم الثاني والثالث والحمد لله رجع الفرخ بفضل الله ثم الوالده وطبها الشعبي
والحمد لله بطلت اعطي اي طير شي اسمه سريلاك
وهذا ان دل يدل على ان اغلب اللي نصحو بالسيريلاك يا اما قارين بدون تجربه او ناقلين الموضوع بدون ما يتاكدون من معلومتهم
واتمنا اللي ينصح بنوع من الغذا او العلاج او التربيه
يعطينا السلبيات قبل الايجابيات
ولكم مني اطيب تحيه
|