[الحلم الوردي]

اخوي naser1430

نقول ماشاء الله تبارك الله .. طيرك توه فرخ ( 7 شهور ) .. بإذن اللي ما تنام عينه إنها عدت مرحلة الخطورة يعني الامراض والموت ((( وهذا بيده سبحانه وتعالى ))) .

الله يطمنك اخوي وطبعا كل شي بايد الله سبحانه وتعالى

وبعد كذا زي ما قالوا الاخوان .. توه صغير يعني باقي ثلاث شهور علشان يكمل سنة ... وفي البداية إبدأ تعليمه كلمة كلمة يعني ركز على كلمة وحدة بس زي ما قلت ( لولو ) في اليوم الواحد رددها عدة مرات بس تفصل بين ترديد الكلمة بثواني علشان يركز الطير .. ولا تعطيه كلمة ثانية إلا لما ينطق الكلمة بشكل صحيح .. علشان ما يلخبط عليه ولا عاد يتكلم صح .

مشكور اخوي على التوضييييح
وانا ان شاء الله بستمر على كلمة لولو لين ما بتفنها

وترا التغذية لها دور كبير ومهم جداً جداً جداً في إعطاء حيوية وطاقة وصحة .. فعطه حبوب مشكلة بس إحرص على النوعية الممتازة والجديد ( لأن بعض الموجود في السوق تلقاها مضروبة أو قريب تنتهي صلاحيتها ) .. وفي مثل عمره عطه تشكيلة فواكه مثل ( تفاح قطع صغيرة بكمية بسيطة وعنب و شوي جزر وخس ) بس أهم شيء لا تعطيه ((( بقدونـس ))) ... إنتبه ... تراه يذبح ذبح ويقضي على حياته .

وحاول تعطيه حمام شمس يومياً خاصةً بدري مع طلوع الشمس يعني الجو بارد لمدة لا تزيد عن ( 10 دقايق ) .. تراها مهمة جداً .. و أتجول فيه بالبيت بشكل عام علشان يولف الاماكن كلها ويتعود عليها .. وكل فترة حطه قدام المرايـة علشان يشوف نفسه .. تراها مهمه .. راح تونسه هالطريقة وتفرحه .

الحمد لله انا انوعله في الاكل كل يوم واطلعه على الشمس

ومشكور اخوي على افادتك وعلى معلوماتك الطيبة

منور الموضوع اخوي

اخوي سكر

ما شاء الله تبارك الله

ألف مبروك يا محمد على نطق ببغائك وتدريبه

وهذا بفضل الله ثم بفضل عنايتك المتميزة في طائرك

وأهنيك على روحك الطيبة وسعة صدرك,,,

الله يبارك فيك اخو

منور الموضوع ما شاء الله عليك وعلى كلامك الجميل

بالنسبة لكلمة لولو,, دائماً الببغاء الصغير يحاول يقولها بالصوت اللي انت ذكرته,,

عبارة عن تمتمه أو كلام غير مفهوم,, حتى يتقنها مع الوقت,,

ولا تنسى انه لسى ما يعرف يركب أي كلمة,,, مثل الطفل الصغير لما يقول بابا أو ماما,,

تلاقيه يقول كلمات قريبة منها أو حتى يقول حرف أو حرفين منها في البداية حتى يتقنها,,,

من المهم الحين انك تواصل نطق الكلمة هذي بصوت عالي,, من قريب ومن بعيد,,

حتى يقدر ينسق مع صوتك وتساعده,,

وما يمنع انك تجرب تقول له كلمة ثانية مثل (هلوو) وهذي من أسهل الكلمات,,,

وحاول تشوف تمتمته وتقول أي كلمة قريبه منها بنفس النغمة,, بناء على توقعاتك وفهمك له,,

انشاء الله اخوي بمشي على تعليماتك وبقلكم شو اخر التطوراتت اول باول

وان شاء الله بيسير الكلام اوضح

مشكور على التوضيح

وتسلم على كلامك الجميل لي وللأعضاء, وهذا واجبنا يا قمر,,,

ربي يوفقك في دينك ودنياك

تحياتي

هاذا كله من ذوقك اخوي

وربي يبارك فيك ان شاء الله