|
أسعار الطيور في أسواق المملكة
السلام عليكم ورحمة الله وبركاته أحبتي أعضاء المنتدى العزيز أريد من كل شخص ذهب إلى السوق اليوم أو أمس سواء في سوق الرياض أو جده أو مكه أو القطيف أو الاحساء أو الدمام أو غيرها من الأسواق أن يكتب إنطباعه بالنسبه لأسعار الببغاوات من جميع أنواعها . هل إرتفعت أم لا ؟ ويش رايكم في الفكره . أخوكم / أبو حسان |
رد: أسعار الطيور في أسواق المملكة
الدرة سعر الجوز 500 ريال في الرياض ~
اما باقي الطيور من زمان ماسألت عنها |
رد: أسعار الطيور في أسواق المملكة
تشكر يا عاشق
هذا الدره ( سعره مرتفع ) بالتوفيق |
رد: أسعار الطيور في أسواق المملكة
تستغرب من اسعارنا في الدمام .. غالبية اللي تعاملت معهم نصابين الله يصلحهم ..
و فيهم جشع غير طبيعي .. انا استغربت يوم ذكرت احد الاخوان من الامارات ان فرخ الدره عندهم بـ 80 ريال عندنا يادوبك تحصله بـ 400 ريال .. و خذ يا كذب على خلق الله .. يعني نصيحه لاي شخص يجهل في الطيور انه لا يروح لحاله .. ياخذ معه خبير في الطيور و الاسعار .. لأنه يحشون مخك بحكي كله كذب بس عشان يمشون أمورهم .. طبعاً الكلام اللي قلته عن سوق الجمعه في الدمام .. ياليت أحد يدلنا على مكان فيه ناس يبيعون بذمه و ضمير و أسعار معقوله .. فامان الله |
رد: أسعار الطيور في أسواق المملكة
أحسن ما قلت الله يصلحهم
أشكرك أخي علي بالتوفيق |
رد: أسعار الطيور في أسواق المملكة
اقتباس:
عندنا وعندكم خير الرياض نفس الشي إلا من رحم ربي يا رجل مره من المرارير رحت لسوق العزيزية أنا وواحد من العيال يدور على فروخ الأفريقي وطلب إني أخاويه بما أني أملك القليل من الخبرة والحمد لله أحياناً حبنا وتعلقنا بشيء معين يجعلنا نبحث ونعرف كل خباياه المهم أخذت لفه بالسوق إلا والرجال ينادي يا حب تعال :D عاد ما أبي أقول أسمي شوف هالفروخ وش رايك فيها وحصلت راعي الطيور واحد ( ملتحي ) ومحسوب إنه رجل دين وطيوره والله الذي لا إله إلا هو عيونها صفرااااااااااااااااااااء قلت وين الفروخ قال الملتحي هذه الفروخ قدامك قلت يا رجل إتقي الله الطيور عيونها صفراء وذيلوها أحمر فاقع وتقول فروخ أجل إللي عيونها ( أسود ) وذيلوها اللون الأحمر توه ما أكتمل ( نهاية الذيل فيها سواد ) وش تصير حسيت الرجال وده يذبحني :eek: والمصيبة يحلف وهذه حادثة صارت معي فما بالك بغيري وهذا حال سوقنا وإللي يبيعون فيه وزي ما قلت إلا من رحم ربي ولو خُليت خُربت والأفضل إي شخص يبي يشتري أي طير ينزل مره ومرتين وثلاث ويأخذ معه شخص يكون ثقه وعنده درايه بالطيور تحياتي للجميــــــــــــــــــــــــــــــــــع |
رد: أسعار الطيور في أسواق المملكة
الله الهادي
تشكر أخي الفاضل على المشاركه ( لا بد من إصطحاب خبير ) أحسن ما قلت كيف أسعار المكاو - الكوكاتو - الكاسكو - الكناري - الكروان .... إلخ يالله يا شباب ( الكل يستفيد من خبرة غيره ) بالتوفيق |
رد: أسعار الطيور في أسواق المملكة
اليوم كنت بالسوق يا غالي وكنت أدور على كناري ( ذكور مغرده ) حصلت صيني تنقيه من مجموعة طيور ( شختك بختك ) بـــ 170 ريال الذكر والمعزول بقفص لحاله ويغرد بــ 250 ريال والسوري تغريد نار بــ 300 ريال وفيه هولنديات بس تغريدها خفيف والطيور الثانية شفتها بس للأسف ما سألت عن أسعارها تحياتي لك |
رد: أسعار الطيور في أسواق المملكة
تشكر على الموضوع ....اليوم كنت متواجد في سوق الطيور في جدة...
صراحه الاسعار مرتفعه نوعا ما..الكاسكو اللي يتكلم واليف سعره من 3000 وانت طالع.. وفروخ الدره على 350 ---------والسوق كله مافي غير كوكاتو واحد اليف ويتكلم ومحجل وراعيه طالب فيه 5000 هذا اللي استنتجته ....وتحياتي لك,, |
رد: أسعار الطيور في أسواق المملكة
والله الاسعار فوووووووووق
عندي خبر بأن الكاسكوات مرتفعه والأمزونات الكاسكو المحجل في الرياض بيع اليوم على 2200 ريال ( ما يتكلم فرخ 4 أشهر ) أشكر أخي ( حب استطلاع - ابو سفر ) بالتوفيق |
| جميع الأوقات بتوقيت GMT +3. الساعة الآن 03:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو