|
أفكر أني أشتري قطوه لكن محتار؟؟
بسم الله الرحمن الرحيم إخواني أنا أحب الحيوانات لكن مشكلتي الوالده أكثر شيئ تكره هو الحيوانات أول شي قلت أبشتري كلب لكن طبعاً كان الوالده رافضها أني أنطق بإسم الكلب عندها فضلاً على أني أتريه قلت لهم طيب ثعبان وكان رفضها أشد وأشد !! لكن لما قلت لها قطوه حسيت بشيئ من الموافقه أو رفضها ماكان مثل الكلب والثعبان لكنها خايفه من الأمراض ... فأنا أحب أسألكم بالنسبه للقطوه هل تنقل أمراض وهل صحيح إذا جرحتني ممكن تنقل لي أمراض خطيره مثل السعار حتى لو كانت ماخذه كل التطعيمات! وهل صحيح إن القطوه تسبب بإجهاض الحامل أو تشوه الجنين ؟؟؟ أتمنى أنكم تنصحوني أشتري ولا ما أشتري |
رد: أفكر أني أشتري قطوه لكن محتار؟؟
والله ما اعرف اذا هيه تسبب الامراض اللي انته قلتهاا
لكن اللي اعرفه انها تسبب الحساسيه وانا احب القطط كثييييير ولكني ما اقدر اربيها لانه عندي حساسيه واتعب كثيير لو تقربت منها :( :( :( :( بس ما اعتقد انها تسبب مثل هالامراض لانه كثييييير كثيييييير من الناس تربي قطط واكثر من قطه فالبيت الواحد وما صار فيهم شي عادي اذا ما عندك حسااسيه لا تخلي شي يمنعك من تربية هالحيوان اللي يجنن وكيووووت ومافي مثله <<< اناا محروومه منه ههههههههههه الله يوفقك ^_^ |
رد: أفكر أني أشتري قطوه لكن محتار؟؟
هلا حياك بالنسبه للقطوه أشوفه أفضل أختيار .. لأن القطط معروف تهتم بنظافتها كثير وتقضي 30٪ من حياتها بتنظيف نفسها ولعابها يعتبر معقم طبيعي لشعرها من الجراثيم .. وهي الوحيده بالفطره تعملها بمكانها المخصص .. ويباع بالمحلات صندوق رمل مع رمل خااص فيه خاصية التكتل ومنع الروايح .. باليوم تنظفه مره الى مرتين وبرضو القطط ماتحتاج حيز كبير بالبيت خاصه لو هي من الطبع الهادي مثل الشيرازي ولاتحتاج تطلعها برا .. وجودها داخل البيت أفضل وأضمن لصحتها .. بالنسبه للسعار ،، قطط البيوت ناااادر تصاب بالسعار لما تهتم فيها وبتطعيماتها على طول ولاتخالط قطط مصابه وداء المقوسات المسبب للأجهاض والتشوهات ،، ينتقل للقطط عن طريق تناول اللحوم النيئه والحشرات أو حيوان ميت متعفن (مثل الطيور والقوارض ) .. أهتم بنظافتها وبتحميمها مره الى مرتين بالشهر وتمشيطها دااايم حتى مايتكتل شعرها وتصيبها فطريات .. وتعريضها للشمس كمن مره بالأسبوع .. وحافظ على أكلها وماتعطيها لحوم نيئه وعلى مكانها ونظافة الرمل مايظل أكثر من 24 ساعه بدون تنظيف .. ومايصيبها شي بأذن الله .. وبالتووفيق |
رد: أفكر أني أشتري قطوه لكن محتار؟؟
هلا اخوي
بالنسبه للأمراض إن شاء الله مع التطعيمات ماتخاف ولا الطيور تربيتها حلوه وطيب انك تركت الكلاب ما اطيقها |
رد: أفكر أني أشتري قطوه لكن محتار؟؟
حلو انك تربي قطوه فالبيت !! عادي مافيها شي ماتأذي
بس الافضل انك تشتري قطوة عمرهـآ شهرين ماعرف احس زينه ماتسوي مشاكل وايد لان انا يبت قطوه عمرها شهرين ماسوت لي مشاكل بالعكس ! كنت مستانسه وياها ولا تسوي شي بس شوي كانت شيطانه لان كانت تعض وتشمخ بس الحمدالله عندنا بيطرين نقدر نروح عندهم ويقصون اظافرهـآ.. وبس بتستانس وايد اذا شريت لك قطوة وربيتهـآ . :) |
رد: أفكر أني أشتري قطوه لكن محتار؟؟
كلام انو صحيح وكفت ووفت مشاء الله عليها بس عندي ملاحظه بالنسبه للأمراض هي ما تنقل امراض الا بشكل نادر مثل مرض اجهاض الحمل بس لو حافظت على نظافة صندوق الرمل من بول وبراز القطه وحطيت له مطهر خفيف راح تنحل هذي المشكله والله يوفقك
|
رد: أفكر أني أشتري قطوه لكن محتار؟؟
اهلييين فييك .. ^^ نووررت القسم ويارب تشتري احلى قطوه
شوف خيوو القطط هي أنسب حيواان منزلي وزين ماخترت ^^ من ناحيه الامراض اذا انت اهتميت بقطوتك وطعمتها وخليتها دايما نظيييفه واكلها نظيف ورملها نظيف وماتختلط بأي قطوه الا وانت ضامن نظافتها وصحتها عشان ماتجيب الضرر لقطوتك ماراح تعاني من الامراض .. الا قلييل جداا لان اغلب الامراض المعديه الي تجي للقطط هي الفطريات بس بنظافتك واعتنائك لها وماتخليها بمكان مكتوم ورطب .. وتعرضها لاشعه الشمس مرتين او 3 بالاسبوع ..مراح تصيبها ان شاءالله وبخصوص السعار .. لا مايجيها دامك مطعمها ومواضب على تطعيمها سنويا مايجيهاا بالنسبه لفايروس التوكوسوبلازموس .. الي يسبب اجهاض للمرأه الحامل هو مايجي من الله والطريق في اسبااب 1 - تعطي قطوتك أكل نيئ مش مطبوخ 2 - تطلعها للشارع 3 - مو مطعمه 4 - اختلاطها بأي قطوه بدون ماتتأكد من صحتهاا 5 - عدم تنظيف حمام القطط بصفه يوميه 6 - تراه ممكن يجي للمرأه الحامل من دون القطط .. مثل اكل شي نيئ او اكل فواكه وخضار مش مغسوله .. او شرب لبن بدون غليه ( اللبن الي على طووول يشرربونه من الناقه وغيرو ) وايضا الحشراات عامل جيد لنقل المرض ^^ وياما قطاوتنا شمخونا وماجانا شي الحمدلله لان دام القطوه صحتها زينه ونظيفه مامنها شر :) واذا كان الجرح قووي .. لابد من التعقييم .. واذا استدعى مره مره مره تروح للدكتور ووووووبس لو عندك شي ثاني حاب تستفسر عنه . حيـــاك |
رد: أفكر أني أشتري قطوه لكن محتار؟؟
الله يعطيكم الف عافيه
إنتم ريحتوني الحين من ناحية الأمراض لكن بقى شيئ واحد مطلوب منكم أنكم تدعون إن الوالده توافق على أني أشتريها ^_^ لئنها هي المانع الوحيد على أني أشتريها حالياً |
رد: أفكر أني أشتري قطوه لكن محتار؟؟
أنا اليوم شفت قطوه أمريكيه عمرها شهرين ونص
قيمتها 2800 ريال ما أدري أيش رايكم بالسعر أول ماشلتها عضتني بغيت أعلقها في السقف من الروعه هههههههههههههه |
رد: أفكر أني أشتري قطوه لكن محتار؟؟
ههههها ^^
أمريكيه أمريكيه .. يعني بوب تيل ولا شورت هير ولا امريكي خربوطه مهجنه ؟؟ اذا مهجنه ماتسوى وانا اقوول شوف العروض الي بالمنتديات أفضل بكثــيرر ويااارب الوالده توووافق |
| جميع الأوقات بتوقيت GMT +3. الساعة الآن 11:48 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو