|
ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
السلام .. كيفكم عندي مشكله ومو اي مشكله شريت ذكر قبل يومين عشان افتك من ازعاج قطاوتي وطلبهم للزواج هو اليف جداً جداً جداً و حبوووب "لكن" المشكله في وقت التزاوج اول ماجبته عندي وحده من قطاوتي طالبة الزواج طبعاً هو قرب منها وشمها وعلى طول هجوم ماعنده وقت على قولتكم فحل خخخخ المهم طبعاً الذكر وهو يتزاوج مع الانثى يعض رقبتها وعارفه ان هالشئ طبيعي خليتهم يوم مع بعض بس بعدين جيت اشوف مكان العضه طلع فيها جرح لا مو جرح جروووح وتساقط الشعر بهالمنطقه بعدها على طول فصلتهم مع انها مازالت تطلبه بس والله خفت عليها المهم انا كل شوي اعقم لها المنطقه واحط لها "المس الازرق" صاير لونها موف مسكينه بس عشان ينشف الجروح وبعده احط لها مرهم و اعطيها مضاد كل 6 ساعات << كله ارتجال من راسي بس ماعندنا بيطري زين وكان لازم اتصرف قولوا لي اذا سويت شئ غلط :( وباقي كم يوم وتطلب قطوتي الثانيه الزواج مابي يتكرر هالشئ لها بعد وش الحل للذكر اللي يعض بقووووه وقت التزاوج ؟ لأنه راح يكون معاهم على طووووول فلازم القى حل لهالمشكله اقدر اخليه اليف وقت التزاوج ؟ او انا اسوي شئ احط شئ على رقبة قطوتي عشان لايوصل للجلد ؟ بس ماعندي افكار ياليت تساعدوني مو معقوله كل ماتزاوج معاهم يجرح فيهم كذا :( فيه احد واجه هالمشكله ؟ وكييييف نتصرف خصوووصاً اذا كان الذكر خلاص بيعيش معاهم على طول .. |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
انا اشوف انو طبيعي لانو يحاول بقوه يخلي الانثى بوضعيه الثبات ... ولو هي متألمه من العض راح ترفض نهائيا وتهرب منو يعني لو الجروح هذي مشكله,,, بس جروح صغيره اتوقع وطبيعيه والشعر برضو ... في بعض الذكور دفش ....
انا اقتراحي تخلين الأنثى معاه وتشوفين حتى تكمل فتره التزاوج .... يعني تبطل تطلب ... عشان ماتروح عليك فتره التزاوج المره هذي ... ولتلافي العض بقوه تقدرين تلبسينها الطوق او طوق عريض شوي عشان حتى لو عض ماراح تكون العضه زي بدون الطوق وأثرها قوي ... وعادي حطيه مع القطه الثانيه ونفس الوضع ...وصدقيني لو الانثى متأثره ماراح تخليه يكمل عمليه التزاوج بسبب الجروح والعض القوي. انشالله اكون افدتك بالتوفيق |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
عـ البركه القط الجديد ،، وذكرتيني بقطوي جاته فتره أنقطع ماعنده أناثي طالبه .. وأول ماجبته له وحده أنشفح بالمووت أفكه عنها ،، وأتوقع الذكر اللي عندك نفس الحاله .. بالنسبه للجروح حاصله لقطوه عندي الحين ،، حالقه شعرها على الصفررر ولما يجي قطوي يتزاوج معها يغرز أسنانه بجلدها ويطلع جروح بس شي بسيط مو مرره، ،، وهي تتألم وتهرب منه قمت حطيت لها شال صغير ربطته على رقبتها ،، بس حسيته ضايقها وخنقها .. ومليت وشلته ،، والحين عادي فكاتهم مع بعض عادي ومافيها الا العافيه أتوقع الذكر اللي عندك مجرد بدايه سوا كذا ،، بيتعود عليهم وعلى الوضع وبيعقل .. وبالنسبه لتعاملك مع الجروح صحيح بالتعقيم بيتادين أو مس والمضاد الحيوي ينصحون فيه بالعضات الواضحه .. حتى مايسبب لها عدوى بكتيريه .. بس ماأتوقع وصلت لذي المرحله .. |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
اقتباس:
والجروح والله ماهي بسيطه :( وراج اجرب البس قطوتي الثانيه طوق واشوف وان شاء الله تنفع وماتنجرح هي الثانيه مشكوور على ردك اخوووي ثويمر واي حل ثاني يجي على بالك ياليت تسعفني فيه وماقصرت والله |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
اقتباس:
ايه والله الذكر هذا قالت لي صاحبته انه من زمان طالب الزواج وهي حابسته مازوجته ويمكن عشان كذا صاير عنيف في التزاوج طيب والشال اللي حطيتيه نفع ؟ يعني ماقدر يوصل لجلدها وهو يعض ؟ << تدووور اي افكار ياليت توضحين لي الطريقه اكثر رااح اجرب اي شئ معاهم ويااااارب يكون مثل ماقلتي مجرد بدايه ويعقل المشكله مابي اجرب فيهم لين يهجد والله قطوتي هذي شكلها يحزن وخايفه عالثانيه مشكوره آنو على المساعده واي افكار تجي على بالك ياليت تقولي لي عنها ويعطيك العافيه |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
الشباب ما قصرو ولو الانثى ما عجبها الحال راح تهرب وهو مع الايام بيصير احسن
وبالتوفيق |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
هالشي حصل لموني بعد
مره وديتها لذكر وكان مررره دفش وطاح شعرها من عند الرقبه صار خفييف مرره بس هالشي طبيعي يحصل عند بعض الذكوور انتي الحين رجعي الانثى معه ولبسيها طوق وشوفي لو نفع وماضاايقهاا وقت التزاوج كووويس ^^ واذا ضايقها خليها بدون طوق ومابيجيها شر ان شاءالله وطريقتك في علاجها حلووه لكن مبالغه شووي لان هالشي طبيعي انه يصيررر وان شاءالله فتره ويروح منه هالشي زي قطو آنو ^^ |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
اقتباس:
وان شاء الله يصير احسن اقتباس:
بس ان شاء الله هالحركه بسويها مع قطوتي الثانيه كيوت راح البسها طوق واشوف وش راح يصير مع انها للحين رافضته ماهي ماخذه عليه من الاسااااس عكس بيانكا المسكينه على طول تقبلته الله يستر مدري وش بيصير وايه والله عارفه اني مبالغه بالعلاج بس والله حسيت بالذنب يوم شفت العضات والجروح وغير كذا ماعندنا بيطري شاطر ويوم سويت بحث بجوجل قريت موضوع خووفني زياااده عن عضات القطط وانها مرات تسبب تسمم و خراج وبلاوي .. والمبالغه افضل من الاهمال ههههه الله يعين بس ومشكوره عالرد سيسي يعطيك العافيه |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
هلا كيوت هاذي طبيعي عند الذكور النشطة
وطبيعي عند القطط الآناث عند فترة التزازج وهاذي غريزه من الخالق سبحانه وتعالى ولانقدر نغيرها كل الموضوع استمر على تطهير الجروح العميقة لغاية انتها فترة التزاوج علما بان الشعر والجروح فتره بسيطه ويرجع كل شي لوضعه الاول أموفــــــــــــــق |
رد: ـ ـ ـ ـ ـ ـ الخبرااااء في تزاوج القطط بليز محتاجتكم ـ ـ ـ ـ ـ ـ
اقتباس:
لو كانت ثابته وكذا معناتو طبيعي الوضع .... اهم شي خليهم لحالهم ولا تقلقين من ناحيتها لانو هم ابخص بهالعمليه وصدقيني لو الانثى متألمه ماراح ترضالو بتاتا . او في حل ثاني انك تمسكينها لو بهالحاله مايحتاج انو يعض لانها اوريدي ثابته. الله يحييك واي استفسار انا مستعد للتجاوب لو توفرت المعلومه. بالتوفيق انشالله |
| جميع الأوقات بتوقيت GMT +3. الساعة الآن 06:58 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو