منتديات تو زوو - آنا حامل و عندي قطو و أبي فحص التوكسوبلازما الرجاء ساعدوني

الصفحة 1 من 2

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - آنا حامل و عندي قطو و أبي فحص التوكسوبلازما الرجاء ساعدوني (http://www.2zoo.com/vb/showthread.php?t=9047)

ام الغزال

09-07-2006 10:23 PM

آنا حامل و عندي قطو و أبي فحص التوكسوبلازما الرجاء ساعدوني

مرحبا بالجميع ...

آنا عضوهجديده عرفت عن المنتدى عن طريق صديقه لي بالجامعه الله يجزاها ألف خير ...

بصراحه خوش موقع ...

بس آنا حامل بالشهر السادس ....
و خايفه حيل من مرض القطط ...

أبي المساعده في إيجاد أي مستوصف أو مستشفى بيطري للفحص .

الرجاء عدم إهمال رسالتي ..

انا و سمسم

10-07-2006 04:44 AM

رد: آنا حامل و عندي قطو و أبي فحص التوكسوبلازما الرجاء ساعدوني

طيب اختي وين انتي عايشه في اي دوله واي مدينه:confused:
عشان يقدرون الاخوان يساعدونك:)

قطو_Q8te

10-07-2006 12:06 PM

رد: آنا حامل و عندي قطو و أبي فحص التوكسوبلازما الرجاء ساعدوني

اقتباس:

المشاركة الأصلية كتبت بواسطة انا و سمسم

طيب اختي وين انتي عايشه في اي دوله واي مدينه:confused:
عشان يقدرون الاخوان يساعدونك:)

عموما" تجبني القطط خصوصا" انتي وحامل
احسن لايصير تشوهات لاسمح الله :rolleyes:

ام الغزال

11-07-2006 08:35 PM

رد: آنا حامل و عندي قطو و أبي فحص التوكسوبلازما الرجاء ساعدوني

آنا من الكويت ..

و أحتاج هالفحص بأسرع وقت ...

والله عذاب ..

عذاب الحمل و عذاب فقدان القط ..

تكفون ساعدوني !

العابر

11-07-2006 08:53 PM

رد: آنا حامل و عندي قطو و أبي فحص التوكسوبلازما الرجاء ساعدوني

السلام عليكم حاولي الابتعاد عن القط في الشهرين او 3 المتبقيه وخلي احد غيرش يعطيه الاكل ويعتني به وحذاااري حذر شديد بأن تلمسي وتنضفين صندوق الفضلات وممكن تروحين اي مستشفى للولادة وتفحصين الجنين
وانشاءالله يسير الخير
وشكرا

قطو_Q8te

11-07-2006 10:21 PM

رد: آنا حامل و عندي قطو و أبي فحص التوكسوبلازما الرجاء ساعدوني

تبين عياده بيطريهـ؟
اكو جداام سوق الحمام عيادة " الدهماء " ووراها بعد اكو عياده نسيت ااسمها
وجدام المشاتل عالطرف قبال السوق الايراني اكو نفس مستوصف حكومي لونه بيجي ولا مره رحتله تقدرين بعد ترووحينـ

قطقوطه

12-07-2006 12:39 AM

رد: آنا حامل و عندي قطو و أبي فحص التوكسوبلازما الرجاء ساعدوني

ياهلا فيك اختي معنا منوره

اول شي الخوف يبدا اذا كان القطو اللي عندك فيه مرض التكسو بلازما انتي افحصيه وتاكدي سلامته من هالمرض
ثانيا حتى لو صار القطو فيه هالمرض الطريقه اللي تضمنين فيها سلامتك وسلامه الجنين انك ما تلمسين حوض الفضلات ابد ولا تنظفينه وانتبهي لا انجرحتي ان القطو يجي ويلحس لك مكان الجرح وحاولي اذا في احد فالبيت ممكن انه يعتني فيه وبنظافته لين تولدين يكون افضل

اما بالنسبه للعياده البيطريه فانتي ما ذكرتي انتي من اي دوله بس اتوقع الكويت من لهجتك انشاء الله الاخوان اللي من الكويت يساعدونك

وانشاء الله تقومين بالسلامه

تحياتي

ام الغزال

12-07-2006 04:07 PM

رد: آنا حامل و عندي قطو و أبي فحص التوكسوبلازما الرجاء ساعدوني

عساكم عالقوه يا أخواني و الله يجزاكم ألف خير ...

المشكله ...

إني إتصلت على الدهماء و مستشفى الري و قالولي أن الفحص ما يسوونه ...

قسما بالله تحطمة نفسيتي

الله يجزاه خير اللي ينفعني و يساعدني يهالموضوع !

قطو_Q8te

12-07-2006 06:00 PM

رد: آنا حامل و عندي قطو و أبي فحص التوكسوبلازما الرجاء ساعدوني

اكو مستشفى ور ا الدهماء نااسي اسمه جربيه

Withered Rose

13-07-2006 04:28 PM

رد: آنا حامل و عندي قطو و أبي فحص التوكسوبلازما الرجاء ساعدوني

هلا ام الغزال :)

لا تخافين من التكسوبلازما انا عندي قطط و لكن بعيدين عن اختي الحامل .. بس قبل كانوا يحوسون بالبيت و لكن الحين انا مبعدتهم عنها لاني اخاف عليهم منها :d :d يعني بس بغرفتي و مخصصتلهم الملحق فترة مؤقته .. و ماكو خوف من القطوة نفسها و لكن بس من صندوق الفضلات بس ..

و كلام قطقوطه 100% اهم شي ما تلمسين حوض الفضلات لان طفيلي التكسوبلازما سيكون نشط بعد 24 ساعه و يجب تنظيف الحوض يوميا .. و خلي اي احد ينظف الحوض انتي حاولي ما تنظفينه ..

و بهالفترة تجنبي انج تعطينهم الاكل مال البيت احتمال يكون مو مطبوخ عدل فيسببلهم التكسوبلازما و لكن حاولي تعطينهم اكل القطط الخاص الرطب و المجفف
و انا قريت انه في تطعيم حق هالمرض بس مو متأكده والله بس من اروح البيطري راح اسألّج عنه :) :)

جميع الأوقات بتوقيت GMT +3. الساعة الآن 04:01 AM.

الصفحة 1 من 2

عرض 40 مشاركات من هذا الموضوع لكل صفحة