منتديات تو زوو

منتديات تو زوو (http://www.2zoo.com/vb/index.php)
-   قسم هواة الزواحف والبرمائيات (http://www.2zoo.com/vb/forumdisplay.php?f=32)
-   -   نقاش حول ثعبان ball python (http://www.2zoo.com/vb/showthread.php?t=89677)

BLUE SHARK 11-02-2009 03:58 PM
نقاش حول ثعبان ball python
 
السلام عليكم
جربت اربي اغلب انواع الثعابين وحمدلله توفقت فيهم والى الان الوضع طبيعي معاي
عدا نوع البول بايثون الصراحه علت قلبي وجابتلي الشيب :confused:
اولا دلع غير طبيعي يعني ما تاكل الا بمزاج كبيييير وبعد عدة محاولات بالغصصصصصب تاكل
ثانيا عليها سلوك غير طبيعي مثل انها تفتح فمها باستمرار و تطلع فقاقيع
مع العلم اني موفر لها كل وسائل الراحة مثل حوض بمساحه كبيرة و مخبأ وبعض الديكورات الاخرى
وكذلك حاط لها سلك للتدفئة يعني يعطي اداء افضل من اللمبة لاني قريت بالانترنت ان البول بايثون ماتحتاج الى ضوء لمبة
والارضيه منديل كلينكس من افضل الانواع المقاوم للسوائل
ومقياس حرارة والحرارة عندي 28 -30
باختصار كل شي طبيعي
ولكن بالنهاية فارقت الحياة :confused: اموت واعرف شنو اللي مقصر فيه ؟؟؟؟
مع العلم اني كنت تارك معاها فار قبل ما تموت ؟؟ هل له علاقه بوفاتها ؟؟ مع ان مافيه عليها اي عضه فار او اي شي

اتمنى اشوف ردودكم

Octopus 11-02-2009 05:36 PM
رد: نقاش حول ثعبان ball python
 
كم طول الحية التي معاك :)
وأنشاء الله يعوضك غيرها:)

الآسطورهـ 11-02-2009 05:37 PM
رد: نقاش حول ثعبان ball python
 
مرحبا اخوي

اول شي البول بايثون ياكل نوع من القوارض مدري وش اسمه غير الفار

هذا اذا كان مصيود.


اما اذا كان مفرخ عند ناس فــ 70 % ياكل لأنه تعود على الفيران

وسعره رخيص مايتعدا 400 ريال

والفقاعات هذي هي إلتهاب بالفم


واللهـ اعلم

BLUE SHARK 11-02-2009 08:49 PM
رد: نقاش حول ثعبان ball python
 
الله يعطيكم العافية يا شباب على ردودكم
الثعبان كان طولة 50 سم تقريبا

LiMiTeD 12-02-2009 05:21 AM
رد: نقاش حول ثعبان ball python
 
موت الثعابين حديثة الولاده شي طبيعي في فصل الشتاء
ومن كلامك ان في اللتهاب في الفم هذا ممكن يكون احد الاسباب
واذا كان فيها جروح فسبب موتها الفار وهذا غلط كبير انك تخلي الفار معاها

البول بايثن كنظره عامه معقده في تربيتها للمبتدئين والهواة فما انصح بشراء البول بايثن حديثة الولاده

KingSnake 12-02-2009 02:48 PM
رد: نقاش حول ثعبان ball python
 
اقتباس:
المشاركة الأصلية كتبت بواسطة BLUE SHARK (المشاركة 766224)
ثانيا عليها سلوك غير طبيعي مثل انها تفتح فمها باستمرار و تطلع فقاقيع

اتمنى اشوف ردودكم
الفقاقيع هذي عباره عن إلتهاب في الجهاز التنفسي...فالثعبان عندك كان مريض, من اسباب التهاب الجهاز التنفسي او Respitory Infection درجة الحراره المنخفضه, لكن انت تقول الحراره عندك بين 28-30 فممتاز, فممكن الرطوبه عندك منخفضه أو انك اشتريته مريض...وبالنسبه للأكل الأصله الملكيه معروف عنها انها من أكثر الثعابين إصابة بأنعدام الشهية Anorexia والطفيليات Parasites.

BLUE SHARK 12-02-2009 05:45 PM
رد: نقاش حول ثعبان ball python
 
الله يعطيكم العافية يا شباب على اهتمامكم بالموضوع
ردودكم بصراحه ترد الروح وتبرد القلب:D
انا كتبت هذا الموضوع من اجل ان تعم الفائدة على الجميع
خاصة بالنسبة لهواة هذا النوع من الافاعي لانها تتصف بحساسيتها الشديدة
طيب يا شباب هل هناك علاج لالتهاب الفم ؟؟ مع العلم اني بالكويت وماعندنا بيطري للزواحف :(
الامر الاخر هل لو اشتريت ثعبان بالغ ما راح اواجه نفس المشاكل ؟؟
لاني بصراحه معجب بهذا النوع ولكن مادري من وين اجيب لي ثعبان اخر
الواضح ان التجار اللي يجيبون الافاعي عندنا نصابين من الطراز الاول (تاجر واحد;))
لاني بحسب ماقريت بالانترنت وباغلب المواقع ان البول بايثون بالذات سعرها مايتجاوز 50 -70 دولار
وعندنا بالكويت تنباع ب50 دينار شفتو الفرق :confused:

LiMiTeD 12-02-2009 07:09 PM
رد: نقاش حول ثعبان ball python
 
في علاجات تستخدم للي مو متوفر عنده ادويه للزواحف واهي غسول الفم ومضاد الالتهابات في الصيدليه وهذا ما استخدمه شخصيا

اما للاسعار فتحدد بمقاييس وايد فتلقا الاسعار عندنا عاليه بالنسبه للزواحف

وسؤال اذا كانت بالغه ماراح تواجه نفس المشكله لا راح تواجه نفس المشكله لانك الحلول اكثر وابسط والمده العلاجيه تقتدر اطول فيها لانها تستحمل الجوع اكثر

وعلى فكره البول بايثن بالدول الاسويه تنباع للجمله باقل من دينار :)


جميع الأوقات بتوقيت GMT +3. الساعة الآن 02:24 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو