|
مجموعة اسئله عن سلحفاتي.. فهل من مجيب؟
السلام عليكم
ماهي افضل طريقه لتنظيف صدفة السلحفاه المائيه؟؟ وهل هناك احتياطات صحيه في تعاملي مع السلحفاه؟ وكيف اتعامل مع الشقوق التي على الصدفه والتي ظهرت فجأه؟ وهل هناك ادويه ضروريه للسلحفاه حتى ولو لم تكن مريضه يعني مثل مكملات اومساعده او مطهرات لتنظيفها بطريقه صحيحه؟ سؤال اخير هل صحيح ان السلحفاه عندما تكبر لاتتعود على مربيها يعني اذا بقيت عندي 5سنوات هل ستتعتاد علي وتتعرف علي بسرعه مثل القطط والكلاب ام لا؟ اعذروني على الاطاله وشكرا |
رد: مجموعة اسئله عن سلحفاتي.. فهل من مجيب؟
اعذريني ماعندي فكره عن الاساله لكن الي اعرفه ومن خلال تربيتي للسلاحف انها ماتعرف صاحبها اوكي ممكن اول الايام تخش روحها وماتطلع بعدين توالف وتطلع من الصدفه وتتمشى لكن مولانها والفت على صاحبها بس على البشر بشكل عام واعتقد انج لازم تحافظين على نظافه الحوض لانها توصخ وايد مما ينتج فطريات او ديدان تاثر عليها وتوقع انه الحراره لازم تكون مناسبه للسلحفاه ويمكن مجرد تغيير الماء راح ينظف صدفه السلحفاه:)
|
رد: مجموعة اسئله عن سلحفاتي.. فهل من مجيب؟
مشكوره اختي فطوم
ماقصرتي وبالنسبه لسلحفاتك كم صارلها عندك؟ وكم عددهم ؟ وتكفين اختي علميني كيف تعتنين فيها يعني لوتقدرين اكتبيلي عن طريقتك معها من اول ماتصحين الين تنامين من كل النواحي الاكل والنوم والنظافه؟ وكيف شكل الحوض الي عندك ؟ الله يسعدك ويوفقك لكل خير |
رد: مجموعة اسئله عن سلحفاتي.. فهل من مجيب؟
اهلالان اختيي :)
والله ماعندي سلحفاه الحين لكن ربيت الكثير من السلاحف البرمائيه ماذكر شكثر طولو لكن مالت اخوي كملت 3 سنين عندنا وبعدين عطاها حق صديقه بحكم السفر ... اول شي اتمنى اهل الخبره يفيدونج لانه انا ماعندي خبره لكن بقولج تجاربي اهم شي بالحوض يكون في صخره فوق سطح الماي عشان السلحفا تقعد فوقها لانها راح تتعب اذا سبحت طول الوقت... من ناحيه الاكل اهي تاكل خبز واشياء ثانيه لكن في اكل خاص للسلاحف اكيد في كل المكونات الغذائيه الي تحتاجها اما جم مره توكلينها مادري بس اتوقع كل يوم وترك او كل يومين وحتى لوماوكليتها سبوع واكثر ماتموت لانه السلحفاه قويه وتخزن الاكل وتتغذى على عوالق بالماي بس طبعا موتسوينها لانه اكيد تحتاج اكل والبروتينات اللي فيه من ناحيه تنظيف الحوض اذا ماكان في فلتر وجذي انصحج تنظفينه كل يوم وتستخدمين الماي الحار حتى يتعقم لانه السلحفاه وصخ والاكل يوصخ وجذي يصير الحوض وصخ وفي فطريات وبكتيريا وممكن يصير فيه نوع من ديدان الماء ومجرد تبديل الماي راح ينظف صدفتها.. او مثلا تقدرين تنظفين الحوض بعدين تحطين فيه ماي نظيف وتحطينها داخل على بال ماتتنظف صدفتها ويطلع الوصخ اللي فيها بعدين تغيرين الماي بعد مره شكل حوضي والله اول كنه نربيهم اب احواض صغيره اول لكن اخر مره يبت ثنتين برمائيتين صغار و سحليه وسمكتين قولد فش وحطيتهم بحوض السمج طوله 90 وعرضه 40 بس حطيت القليل من الماي مو وايد وصخره عشان يوقفون عليها بس بعدين قلت خل اترس الحوض ماي وحط فيه سمج احسن وشلتهم حطيتهم بحوض صغير وبصراحه مع الاسف كنت مشغوله مع الدوام وجذ1ي وماهتميت فيهم كلشششششششششششششششششش وماتو السلاحف والسلحيه |
مشاركة: مجموعة اسئله عن سلحفاتي.. فهل من مجيب؟
السلام عليكم
يجب ان تكون درجة حرارة معتدلة ووضع صخرة للصعود عليها . تجنبي وضع نشارة خشب . عدم وضع الكلور العادي للسلحفاة والافضل استخدام الكلور المخصص الذي يوجد في محلات السمك للتنظيف والتعقيم . وضع الليت uv او وضع السلحفاة في منطقة مشمسه و يكون فيها ظل لاكتساب فيتامين د و الكالسيوم لتكون الصدفة ملتحمة وقويه . تعرض السلحفاة للهواء الطلق . وشكرا |
رد: مجموعة اسئله عن سلحفاتي.. فهل من مجيب؟
مشكورين جزاكم الله الف خير
كفيتوا ووفيتو الله يسعدكم والله يااخت فطوم حزنتيني على موت حيواناتك مايستاهلون الله يخليلي سلحفاتي قولو امين اخ عاشق تسلم على المعلومات بس عندي كم سؤال اذا ممكن ليش نبهت من نشارة الخشب؟ ومن وين اجيب الكلور وايش مواصفات العلبه عشان اروح اجيبها؟ علما باني ساكنه في جده ولوسمحت اخوي وش الليت هذا اول مره اعرفه ممكن تعطيني معلومات اكثر عنه؟ اعذروني طولت عليكم |
رد: مجموعة اسئله عن سلحفاتي.. فهل من مجيب؟
شكرا
|
| جميع الأوقات بتوقيت GMT +3. الساعة الآن 04:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو