|
بالحديقة البيت فيها مشكلة ؟؟
السـلام عليكم ورحمة الله ..
عندي سؤال محيرني وأتمنى أنكم تجاوبون عليه .. أنا عندي قطوتين زوج وأنا كنت معيشهم بداخل بيتنا فالوالدة الله يهديها قالتي طلعهم برا بالحديقة والمهم بعد المحاولات ما وافقت قالت يا تطلعها ولا بطلعهم برا البيت ، وأنا مطلعهم ألحين برا بالحديقة فهم أول كانوا يبغون يطلعون وأنا أدخلهم فيوم طلعتهوم يلعبون ومستانسين أكثر من جوا البيت وماخذين حريتهم .. س / هل هناك فيه مشاكل ؟؟؟ وهل يمكن يجي ذكر ويلقح الأنث ولاتنسون إنا إلي عندي زوج ؟؟؟ |
رد: بالحديقة البيت فيها مشكلة ؟؟
ايه طبعا بتصير مشاكل
اول شي عندك ذكر انت يعني لو جا ذكر ثاني من برا وشافه قطووك راح تصير بينهم هوشه لان كل واحد يبي يثبت قوته وسيادته عالمكاان يعني اكيد راح تصير شموخ وجرووح ونقل امراض واذا الذكر اللي من الشارع لقح الانثى راح تحمل منه امراض وغيره وغيره من المشاكل .. فـ اذا امك مو راضيه عالاقل سو لهم غرفه كبييييره بالحووش وخليهم فيها .. عالاقل مكان نظيف و آمن او بيعهم ^^ |
رد: بالحديقة البيت فيها مشكلة ؟؟
اقتباس:
أجل إذا عن الأمراض شكلي كل أسبوع بروح أكشف عليهم .. وعن الحمل أنا واثق من زوجها بس الله يستر وأنا كل أنزل ألعبهم شوي بس لايكون وأنا نايم يضاربون :eek: .. إن شاء الله بعد كم شهر أوريكم عيالهم ويعجبونكم يارب :) |
رد: بالحديقة البيت فيها مشكلة ؟؟
قطوك الذكر متعود عالبيت والدلع .. اما حقين الشوارع متعودين عالحياه القاسيه
يعني الاحتمال الاغلب انه يغلب .. غير ان الشتا جااي .. يعني مراح يتحملون البرد وعقبه الصيف جاي ولا راح يتحملووون الحرر .. وغير المطر اللي راح ينزل بالشتا خيوو فكر فيها بالطول والعرض .. والله صعبه مرررره ... وتذكر انك انت المسؤول عنهم يعني لو صار شي انت المسؤووول عنهم |
رد: بالحديقة البيت فيها مشكلة ؟؟
اقتباس:
وصدق حرام يطلعون برا وهم متعودين على جو البيت وخاصه وأحنا داخلين على الشتاء |
رد: بالحديقة البيت فيها مشكلة ؟؟
ايه والله أنك صادقة وحقي هالدب أنا داري لو جاه واحد من حق هالشوارع ذبحة :D ..
والله انا جت عندي فكرة ( غرفة السواق) مسافر وما راح يرجع واللهودي أقلبها غرفة لهم :confused: بس ما راح يحسوا بالإكتئاب ؟؟؟ على فكرةو أنا إن ةشاء الله بطلعهم كل يوم شوي ؟؟ معليش إختي والله أشغلتك :o .. |
رد: بالحديقة البيت فيها مشكلة ؟؟
لاأبد مابيحسون بالأكتئاب أنا قطاوتي حاطتهم بغرفه برا البيت بس كبيره
ودايم أجلس معهم والعبهم وأحيان أخذهم أدخلهم عندنا بالبيت وينامون بغرفتي شوي جهز لهم غرفة السايق دامه مسافر حتى وقت الشتاء لازم لهم مكان دافي |
رد: بالحديقة البيت فيها مشكلة ؟؟
الغرفه راح تحسسهم انهم محبوووسين ..
وراح يجيهم اكتئاااب .. لانهم متعودين عالطلعه وفجاه انحبسوووا لو الوضع هذا مؤقت اوكي ممكن وطبعا زي ماقلت تطلعهم وترفهم شوووي بس يعني لازم ترجع تقنع امك من جديد .. لان هالوضع مايناسب القطط أبدا القطط حيوانات تحب الالفه والقعده من الناس وتحب تروح وتجي وتاخذ راحتها وكل يوم تنام بجزء من البيت .. حاول تتفهم اسباب الوالده واقنعها وقولها ان هذولي ارواح ويتعذبون ويحسون مثلناا .. |
رد: بالحديقة البيت فيها مشكلة ؟؟
مشكوووور أعلى ردودكم وإن شاء الله بكرة بعطيكم الخبر ووش صار علي وإذا صارت الغرفة بوريكم بالصور ;) ..
مشكووورين .. |
رد: بالحديقة البيت فيها مشكلة ؟؟
سيسي أنا ولله أشوف أذا الغرفه كبيره وهو قايم بواجبه يعني يسليهم ويغيير عليهم بالجو وحاط لهم العاب
ويحافظ على نظافتها وتهويتها يصير أوكي أنا عن نفسي الحمدلله قطاوتي مبسوطين كان لهم غرفه داخل البيت خاصه فيهم بس لما أختي حملت وكثر عدد القطاوه أخذت الغرفه الخارجيه ودايم أنا وأهلي ندخل عليهم نسليهم أو ناخذهم عندنا شوي نلعبهم حاالياً لازم يوفر لهم غرفه علشان الشتاء ويجرب أذا الوضع مناسب أو لا وبعدها تتيسر أن شاءالله |
| جميع الأوقات بتوقيت GMT +3. الساعة الآن 09:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو