شريت 4 كروانات ليش مادري :)))
 

رد: شريت 4 كروانات ليش مادري :)))
 

رد: شريت 4 كروانات ليش مادري :)))
 

،،

هلا بك اختي ليالي

بالنسبة للكروان .. طائر سهل التدريب .. واذا صار وليف .. راح تحبينه بقوه

بس طبعا توليف الطائر الصغير بالعمر اسهل بمراحل من الطائر الكبير

ومن المعروف انه اذا بغيتي تولفين طير .. لا بد ان يكون الطير لحاله .. لان الطائر يبحث عن صديق له

فإذا وجد كروانات اخرى صديقه له راح يستغني عنك ولا راح يولف ابد

حتى لو كان واحد في غرفه والباقين بغرفه ثانيه لكن يسمع صوتهم .. برضو راح تواجهين صعوبه كبير في توليف الطير

انا الان مقتصر على طير كروان واحد ( يوجد طيور اخرى ليست من نفس الفصيله وحاطهم جنب بعض لكن ما يأثر .. )

والحين مره مره مره اليف .. لدرجة اني وصلت لمرحله ونتفت جنحانه علشان تنبت من جديد .. ويقدر يطير .. والحين يطير ويلعب على راحته .. ولا ادخله القفص الا بالليل علشان اخاف يصير فيه شي وحنا نايمين

الحين هو جالس فوق المكتبه والتلفزيون شغال وكلنا جالسين .. وكأنه واحد منا .. واذا ملّ راح ينزل لنا من حاله علشان نلعب سوا

وبرضو تعلم تصفيرات كثيره .. مثل تصفيرات اغاني .. وتصفير غزل .. وتعلم بعض الاوامر مثل تعال ..عشان يجي للقفص وقت الاكل .. راسو ( علشان ينزل راسه نحكه له ) .. تعلم كلمتين لكن بالتصفير .. تعلم كيف يقول كوكو .. اذا بغى نلعب معه .. لان اسمه كوكو وكأنه يقول تعالوا كوكو يبغاكم .. وكلمة وين بتروح ؟ لما ندخله القفص ونروح عنه ..

كل هذا لاني خليته لحاله فقط .. وخليته يناظر لنا كأصدقاء له .. الطير الحين اللي عندي عمره 7 شهور .. وكان عندي من يوم عمره شهر واحد بس

انتي احرصي انك تختارين اصغر طير منهم بالعمر .. وحاولي يكون ذكر .. وصرفي الباقين .. بيعيهم والا شوفي لهم دبره .. هذا اذا كنتي تبغينهم وليفين

لكن ان كانك تبغينهم شكل بس .. انسي فكرة انهم يكونون وليفين


،،

رد: شريت 4 كروانات ليش مادري :)))