|
سبب تركي لتربية الهامستر!!
السلام عليكم شلونكم يا جماعة حبيت اتكلم معاكم عن سبب تركي لتربية الهامستر مع العلم ان عشقي لهذ الكائن الجميل قديم وكبير:rolleyes: وتحديت الصعاب ومشاكل الاهل الكبيرة لأنهم يعتبرونه فاااااااااااار:eek: وكان عندي 3 أزواج وحلوين وكل زوج في قفص منفصل والانتاج رائع ومستمر في يوم من الايام كنت أنظف الأقفاص وطبعا عندي حوض سمك بلاستيكي صغير اجمع فيه الهامسترات وقت ما أنظف أقفاصهم ييت ابي امسك وحدة من الأناثي وهي ((قشرة)) على طول اول ما قربت ايدي قرضت صبعي ((السبابة)) الغريبة إن ظلت السبابة تنزف دم كثير :( لكني تجاهلتها ولما توقف الدم طهرتها بمطهر للجروح بعد ما غسلتها بماء دافئ ولفيتها بشاش لكن بعد يومين فكيتها وتفاجأت إن الجرح مازال ينزف:eek: استغربت بس هم رديت وتجاهلت الموضوع وقلت (يطيب) نظفتها مرة الثانية ولفيتها وهم ظل الجرح ينزف اسبوووووووووووووع:eek::eek::eek: هني خفت بصراحة وشفت الجرح شكله صار يخوف رحت الطبيب فحص الجرح قالي انت وين تشتغل؟؟؟ قلت شكووووووووووووووووو؟ قالي معاك تسمم حاد ولو مو جاي كان ممكن يعمل معاك مشكلة كبيرة!!!!!!!!!!!!! والحمد لله على كل حال كتبلي مضاد حيوي وعطاني حقنة (تيتانوس) بس والله كانت تجربة مريرة الجرح انخفر وصار عميق ويخوف وظليت اعاني من الألم لمدة شهر!!!!!!! طبعا انا ما ابيكم تكرهون الهامستر لأني للحين احبه!! بس من بعيد لبعيد;) بس حبيت اخبركم بقصتي معاه حتى تاخذون حذركم لما تحاولون تمسكونه لا يغركم شكله ((النونو)) ترى شرس جدا:D تحياتي |
رد: سبب تركي لتربية الهامستر!!
والله حصلت لي زيك انا كرهت الهامستر من بعد ماعضني ورحت لـ دكتور بيطري وعطاني حقنة تيتانوس والحمدلله طاب ومن بعدها لحد الحين اربي الهامستر :D وماتشوف شر ان شالله |
رد: سبب تركي لتربية الهامستر!!
يمة انا ماربي الا واحد ذكر
ولا في عمرة عضني شكلة مسكون |
رد: سبب تركي لتربية الهامستر!!
اول شي الحمدالله على سلامتك
وبعدين ياخوي ماتوقع المشكله بالهامستر المشكله فيك اكيد لما مسكته مامسكته عدل او ماكان بوضع يسمحلك انك تمسكه وبعدين انته اهملت الجرح وهذا شي خطير بما انه اللي عضك حيوان..وهالشي توقعه من أي حيوان سواء هامستر ولا ارنب او غيره من الحيوانات وعضه كل حيوان لازم تسوي تسمم حتى الحيوان المطعم والخالي من الأمراض عالعموم الحمدالله على سلامتك وانشالله نشوفك رجعت لتربية الهامستر مره ثانيه :) |
رد: سبب تركي لتربية الهامستر!!
الإخوان جميعا بارك الله فيكم على الردود والتفاعل أخي wld-.-q8 لمعلوماتك أخي أنا ما مسكته أصلا بس قربت ايدي وما ادري شلون مدت راسه وقرطتها:D تحياتي |
رد: سبب تركي لتربية الهامستر!!
انا صار لي مشكلة
مره كنت اربي هامسترين وكان في الأنثى مرض في عينها يعني انتفخت عينها وديتها لطبيب بيطري و قالي المرض بروح رحت للبيت و قعت يومين بعدين انتقل المرض للعين الثانيه قلت ابحطها يقغص ثاني يوم جيت امسكها عضتني وانا خفت من العضه لأنها مريضه:eek: رحت لطبيب عطلني حقنه ثمن رجعت للبيت و رميتها بالشارع ( انا رميتها من القهر ) وإلى الحين وانا اربي هامسترات |
رد: سبب تركي لتربية الهامستر!!
ههههههههه ظريف
|
رد: سبب تركي لتربية الهامستر!!
ماتشوف شر ان شاء الله والله خوفتني لأني عندي هامستر ذكر وشيييييييييطااااااان مررره
بس بنتبه لصوابعي خخ |
رد: سبب تركي لتربية الهامستر!!
الأخوة والأخوات جميعا شكرا لتفاعلكم مع الموضوع لكن حبيت أذكر أن الهامستر رائع ولطيف لكن فقط احذروه فقد يكون أحيانا منزعجاً من شيء ما فيسبب بعض المتاعب لكم تحياتي |
رد: سبب تركي لتربية الهامستر!!
اول شي ماتشوف شر
بعدين انا لو ياكلني الهامستر راح احبه اكثر خخ ياخي لو تناظره ويناظرك ماتقدر علطول اشتريه بعدين يولد بعدين ابيع |
| جميع الأوقات بتوقيت GMT +3. الساعة الآن 10:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو