|
أبغي مساعدهـ ممكن ..!
السلام عليكم والرحمه شحالكم خواتي وأخواني..؟ بلا مقدمات بدخل في الموضوع أنا يتني هديه قطوه صغيره وحلوه عمرها شهرين وكم من يوم والمشكله إنها ساعات تتوحش واتم تلحق ورا أي شخص وتشمخ وتعض وحاولت إني أهديها تهدأ بس إذا شافت يهال وحشره اتين وتركض بسرعه وأي حد يقرب صوبها تعض وإذا شافتني اربع تربع ورايهـ وتعض كندورتي من تحت .. وأنا هلي وايد يحبونها والمشكله من يشلونها تعضهم والحينه هم طفرانين من تصرفاتها أنا طفرت بس أنا الوحيده اللي اروم لها وما تهجم علي .. أبا منكم مساعده من خبرتكم للقطاو |
رد: أبغي مساعدهـ ممكن ..!
وعليكم السلام
بخير الحمدلله انتي شلونج .. منورة قسم القطط ياعوومري .. القطوه طبيعيه حركاتهاا لما تشوف احد يجري تجري وراهـ او تعض ملابسه او رجله عادي لعب هذا بس لماا يصير ازعاج بزرااان .. فديتها تخااف وتتوتر عشان كذا تجري بدون هدف وبسرعه انتي ابعدوا عنها أي مصدر ازعاج لانها جديده عالبيت لين تتأقلم وياكم ويصير خير ان شاءالله بالتوفيق |
رد: أبغي مساعدهـ ممكن ..!
وعليكم السلام والرحمه
ياحليلها بالعمر حركيين ويحبون اللعب والعض .. بس آبعديها عن الأزعاج والآطفال كلش ماآحبهم بجنب القطوه يجننون اللي ماايتجنن .. وحاولي توفرين لها جو هادي ولاتلعبونها كثير آكبر غلطه آنك تلعبينها بعدين يجي آحد من آهلك يلعبها بعدين الثالث والرابع تصير مجنونة لعب وعض ،، وهالشي جربته .. وحياك آختي :) |
رد: أبغي مساعدهـ ممكن ..!
تسلمون يا الغالين
المشكله في بيتنا ماشي يهال بس في الاسبوع مره او مرتين ايونا يهال لكن افهموني هي تعض مب لعب .. يعني إذا اخوي بيلعب معاها او يمسح راسها لازم تعضه بس أنا حاولت تعضني كم مره ما أخليها .. والحينه قلت لأخويه إذا حاولت تعضك هاوشها ما أدري إذا هذا صح ولا خطأ |
رد: أبغي مساعدهـ ممكن ..!
اي عاادي
هم لعبهم عض اصلا شوفي القطاوه ويا بعض لعبهم كل عض هم يلعبون معنا زي مايلعبون ويا نفسهم مو تهاوشونها بس نهروها بـ لاااااااااا او عيب بس صوتكم يكون اقوى من الصوت الطبيعي |
رد: أبغي مساعدهـ ممكن ..!
تسلمون
هيه حنا جذيه نهاوش نقولها لااا أو عيب والله أشكركم على المعلومه إللي ما كنت أعرفها |
رد: أبغي مساعدهـ ممكن ..!
الحمد لله انها تلعب و تجري و كل أمورها أوكي
مبروك عليكي طبعا القطة .. نصيحة مني أول ما تبدأ تدخل جو في اللعب و تصير تبغا تعض أعطيها لعبة دبدوب أو أي شي طري تعضه طبعا مو أكل .. أنا كدا أسوي مع ميمي ، على طول أخصصله كم لعبة و يصير اذا يبغى يعض يعض اللعبة شويتين و يهدى و كذا أنا بخير و القط بخير .. بالتوفيق :) |
رد: أبغي مساعدهـ ممكن ..!
آذا شفتي بدا لعبها يخشن وبدت تعض لاتصرخين عليها آو تدفعينها بس آجلسي بهدوء وكتفي آيديك ولاتناظرين فيها وتجاهليها
هالطريقه مررره نفعت معي .. آو سوي مثل ماقالت خوية ميمي عطيها لعبه قطنيه تعضها وتطلع حرتها فيها |
رد: أبغي مساعدهـ ممكن ..!
ما شاء الله الأعضاء ما قصروا ....و كلامي نفس كلامهم ....
|
| جميع الأوقات بتوقيت GMT +3. الساعة الآن 11:23 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو