افهم لغة وبرك الحبيب
 

بسم الله الرحمن الرحيم
http://www.pusup.com/up/get-8-2008-pkxnafgs.jpg
كثير منا يعاني فهم ما يشكيه وبره، أو شنو يبي ؟ شناقصة ؟؟ شنو محتاج مو محتاج ؟ ليش زعلان ؟ ليش متضايق ؟ ليش يسوي جذي ؟ .... إلخ من الأسئلة الي نطرحها على بعض من خلال سماعنا لأصواتها واحنا ما نعرف شنو معناتها:confused:لهذا السبب حبيت أحط لكم هالموضوع الحلو والمفيد علشان تستفيدون منه لمصلحتكم ومصلحة وبراتكم الحلوين، وهي مثل ترجمة لبعض من أصوات الوبرات، والي دايما نسمعها ونحب نعرف شنو معناتها ودلالاتها مع صورة توضيحية لك صوت ;)مستعدين ؟ نبدي باسم الله :

http://www.pusup.com/up/get-8-2008-zsox97h6.jpg
أولا : التحميل من هنا
لما تسمع هذا الصوت فاعرف إن وبرك يوعان ومحتاج إنك توكله، كإنه يقولك " أبي أكل " أو " أطعمني الحين " ، ولو تلاحظ إن لما تقرب صوب الوبر بتلاقيه متشوق ومتلهف لك لإنك ياي تتطعمه أكله المفضل ... يمكن إنك تفسر هذا الصوت لما تغيب عن الوبر فترة وتخليه بروحه، ولما يسمع صوتك رح يطلع هالصوت تعبيرا عن حبه واشتياقه لك بشدة، وبتلاقيه يقفز في القفص أو يطلع راسه من خلاله ووده تمسح على راسه أو تشيله .

http://www.pusup.com/up/get-8-2008-zzkz4g1m.jpg
ثانيا: التحميل من هنا
لما تسمع هذا الصوت يكون ذلك تفسير لحدوث الغزل والمعاشرة بين الوبرين ، وبوقتها يكون الذكر يؤدي رقصات وحركات ليجذب فيها الأنثى له ... تفسير ثاني للصوت إذا كان (( أقل ومو طويل مثل الي سمعته )) يدل على إن الوبر سمع شي غريب ومو مرتاح من الوضع ويحس بخوف ، مثل : طرقات الباب، صوت مشي ، شي انسكر ... إلخ .

http://www.pusup.com/up/get-8-2008-xmro0ioi.jpg
ثالثا: التحميل من هنا
حدوث هذا الصوت يدل على إن الوبر يستمتع بوقته بشدة، ولهذا أسباب: الرقص مع الانثى (( للذكر )) لما تمسح عليه وتفرك راسه باصبعك، تدلك ظهره، ياكل بشراهة وسعادة (( للذكر والانثى )) ........ إلخ *ملاحظة: الصوت شبيه جدا بالصوت لما يصدره وهو خايف وهذا ما قصدته في النقطة الي قبلها لما قلت إنه ما يحس بالامان وخايف من شي .

http://www.pusup.com/up/get-8-2008-lz487de5.jpg
رابعا: التحميل من هنا
يدل هالصوت إن الوبر مو مرتاح ومتضايق ويتألم ويتعذب من شي وخايف جدا جدا، مثل حقنه بابره، أو تدليكه بمناطق من جسمه تضايقه، فصلته عن شريكه، تركه لوحده مدة طويله، أو أحد من الأطفال ضربه أو وخزوه بشي حاد في جسمه ... إلخ :( يستخدم هالصوت أيضا للتحذيرات من المخاطر الي تواجه الوبرات ولحماية المجموعة منها .

http://www.pusup.com/up/get-8-2008-e7zim15z.jpg
خامسا: التحميل من هنا
تسمع هالصوت غالبا لما تكون مطلع وبرك برا القفص ومخليه يتمشى يمين ويسار على كيفه وعلى راحته ومحد له شغل فيه هههه، وهذا يدل على السعادة الكبيرة واحساسه بالحرية والانطلاق في العالم الي برا القفص، حلو إنك تسمع وبرك يطلع هالصوت لإنه يشعرك بطمأنينه إنه سعيد وهو يطلع رجوله برا القفص الي اعتاد ومل منه .

http://www.pusup.com/up/get-8-2008-zsoschxz.jpg
سادسا: التحميل من هنا
لما تسمع هالصوت هذا فهذا يدل على إن الوبر مرتاح في قفصه، جحره، قشه، أو نفقه ... إلخ، ومحتاج لأخذ قسط من الراحة والنوم بعد يوم شاق وجميل، وتلاقي فيها الوبر هااااااااادي جدا، لذا لازم إنك تخليه يرتاح وما تضايقه أو تشيله .

http://www.pusup.com/up/get-8-2008-cma58srg.JPG
سابعا: التحميل من هنا
عند سماعك لهالصوت وهو عبارة عن طقطقة أسنان الوبر مع بعضها بطريقة خشنة فهذا معناته إنه الوبر غاضب جدا وهو في الوضع العدواني، ويحدث هذا دايما في فترة العراكات بين الذكور (( أمثال الي عندي 24 ساعة هواش ^^" )) أو قرب حدوث الخطر ويكون الوبر مستعد للهجوم وتحذير مجموعته، في حالة وجود ذكرين يتهاوشون وتبي تفصلهم فرح تعرض نفسك للأذى وتحصل لك عضة محترمة تخلي الدم يطلع من يدك بشدة -__-" فلازم تاخذ فوطة أو قماش وتمسك فيها أحد الذكرين وتفصلهم ليم يهدون .

انتهى

الموضوع كان في موقع أجنبي وحبيت أنقله واترجمه لكم :)حصري على 2Zoo وبس ^_^ وأتمنى إنه حاز على اعجابكم وأفادكم في فهم لغة وبراتكم الحلوين الأمورين، وعلى فكرة ... المعلومات الي ذكرت كلها صحيحة 100% وأنا شفتها في وبراتي وطلعت طبق الأصل مثلها ^______^ والحين تقدرون تتفاهمون مع وبراتكم على راحتكم ... وأي سؤال أنا حاظرة .
* ملاحظة : لا تضغط على الصور التوضيحية علشان ما تنقلك لصفحة مركز التحميل + ارفع مستوى الصوت عندك علشان تسمع الأصوات بشكل جيد :) .

رد: افهم لغة وبرك الحبيب
 

رد: افهم لغة وبرك الحبيب
 

والله انك افدتينى بهذا الموضوع الجميل

رد: افهم لغة وبرك الحبيب
 

رد: افهم لغة وبرك الحبيب
 

رد: افهم لغة وبرك الحبيب
 

مشكور جدا علي هذا الموضوع الرائع وكان نفسي اسمع صوت الوبر لما يكون مريض او تعبان وهذا حتي يعرف المربي ان وبرة مريض حتي يسعفة وتحياتي لك جدا

رد: افهم لغة وبرك الحبيب
 

رد: افهم لغة وبرك الحبيب
 

رد: افهم لغة وبرك الحبيب
 

ثااااااااااااااااانكس ع المــــــــــوضوووع يا ديناصوره..

رد: افهم لغة وبرك الحبيب