منتديات تو زوو - رحلتي إلى أسبانيا ولقائي بـ راؤول غوزاليس .. يوجد صور

مساء الخير و كيف الحال للجميع

الرحلة في تاريخ 18/6/2008

قصتي او رحلتي لأسبانيا كانت في أول إجازة الصيف يوم كان ابونايف في فرنسا وكانت هالرحلة مدتها قصيرة اسبوع لأن الفلوس خلصت واضطريت ارجع على اقرب رحلة للسعودية ,,,

وتعتبر أسبانيا من اكثر الأماكن في العالم سياحة في فترة الصيف بالذات لأهل الخليج (( الكاشات منهم بس ))
ياراعين
لأن الجو تبعها يعتبر ............ (( افهموها السفريات)) http://up.u555u.com/uploads/162de2c6d7.gif

الزبدة اني بدخل بالموضوع

.

.

أول يوم من وصولي لأسبانيا اتصلت على أبو نايف صديقي وقلت له وقتها ابو نايف وين احسن فندق لأني بسكن فيه

أبو نايف ماقصر معي عطاني اسم كم فندق وقالي على الأماكن الحلوة اللي هناك ووصف لي كم ديسكو وقالي الوضع

يبي يعجبك يامزاجي بس انت استغل كل ثانية وانتبه تنام يمكن يفوتك شي http://up.u555u.com/uploads/24fe41f22e.gif

<<<<<< حاط شطرطون على عيوني مابي اغمض ويفوتني شي

باليوم الثاني وانا جالس ادور بمدريد شفت جريدة أسبانية يقراها واحد اتوقع إنه جزائري واحسن شي فيه يتكلم عربي
وعلى الجريدة صورة راؤول http://up.u555u.com/uploads/01627eca3e.gif

قلت يالبييييييييه يالزين بس قال انت عربي

قلت ايه نعم عربي

قال اليوم راؤول يبي يلعب مباراة خيرية واذا تحب نروح انا وانت للملعب حتى فيه مشجعين جاين من السعودية

بالذات من الرياض لأنها مباراة للفقر

انا ماصدقت على الله احسبه يكذب علي

جلسنا للمغرب انا وياه هالجزائري وقالي يالله نبي نروح للملعب الحين

شوي وتتصل أمي علي تبي تشوف وش صار على ولدها

وقالت لي انتبه من عيال الحرام ومن بنات اللي يجلسن يلعبن عليك وياكلن فلوسك http://up.u555u.com/uploads/a986734b65.gif

وقالت انتبه اتصل عليك واسمع صوت حريم والله ماخليك تدخل البيت اذا رجعت للرياض

<<<<<< تدري ان ولدها مخربهامليوووووون بالمية هناك http://up.u555u.com/uploads/e187bf3f9f.gif

وشوي ويطلع لي الجزائري وقال من تكلم صديقتك قلت لا ياوين يارجل يجلس يسمعنا احد يضحك علي

قال مين قلت أمي توصيني اشوف لها قدور طبخ وأغراض للمطبخ تحسب كل شي بأسبانيا رخيص ..

وشوي ونروح للملعب انا والجزائري والعالم كلها بصوت واحد راؤول . راؤول وانا معهم

والقهر اني نسيت اجيب الكاميرا حتى جوال الكميرا مهوب معي :<-- طالع بجوال رخيص خايف ينسرق http://up.u555u.com/uploads/a14bf052f2.gif

وحنا نرتب وضعنا على شان تبداء المباراة دخل حبيب القلب راؤول

http://www4.0zz0.com/2008/07/19/20/186450673.jpg

انا ماصدقت ان هذا راؤول ياناس والله العظيم عجزت اصدق ان راؤول اخيرا تحقق الحلم وشفته http://up.u555u.com/uploads/e7bf034c9f.gif

ولا وهو يشوف للجماهير رفع يده للزاوية اللي انا فيها والجزائري معي قلت للي معي يشر علينا

قال ماعليك اعرفه راؤول كان معنا بضاحية جنوب مدريد ويعرف اسمي زين قلت بذمتك قال اكذب عليك يعني

وتبداء المباراة الخيرية انا ماركزت الا على راؤول حتى يوم خلصت المباراة مادري كم انتهت بالأساس

عقبها بفترة اكتشفت انه يوم يشر علينا راؤول بالمدرج كان يقصد مشجع اسباني معنا يقولون انه رئيس رابطة الريال

بالملعب واسمه خواردو وهذا هو

http://www8.0zz0.com/2008/07/19/21/962906674.jpg

رقم واحد أنا ورقم اثنين خويي الجزائري اخر الوقت قام من عندي لأني بس اصارخ

طلعنا من الملعب ورحنا نحتفل بوسط بار انا والشباب http://up.u555u.com/uploads/130da69327.gif

مادريت الا الجزائري قال يالله نام بدري بكرا نبي نروح نشوف راؤول

انا ماصدقت احسبه يكذب كيف هالأمعة يعرف المايسترو راؤول

ورحت نمت بالفندق حتى اذكر وقتها اتصلت على ابو نايف قلت بكرا بطلع مع راؤول وقالي لايصير بس راؤول المنصور ولد الجيران

الزبدة أصبحنا هاكا الصبح وقمت بدري واتصلت على حبيب القلب الجزائري وقال يالله جايك الحين

والله ويجيني ونطلع سواء لمنطقة غريبة كلها مزارع وشوي الا ندخل مع بوابة كبيرةقال الحين تبي تشوف راؤولك

وشوي وحنا نمشي وقف قال يالله نزلنا

اول مانزلت سمعت ضحك وناس تضحك بقوووووووووووة وانا مادري وش الطبخة قلت هذي ذبحتك يامزاجي يبون يسرقونك http://up.u555u.com/uploads/cf2446ff8b.gif

ومشيت شوي الا خويي ينادي يقول يالله اجلس الحين يجي

وانتظر الا هذا راؤول بشحمه ولحمه قدامي واقف ويقولي هاااي

اللي اعرفه اني جلست 5 دقايق اشوف لوجه لحد مانزلت دمعتي وانا اقول بقلبي يابن الكلب ياكثر ماحبك واغليك

واضمه على صدريوانا اصيح من الوناسة واقول شفففففففففففتك اخيرا شفتك http://up.u555u.com/uploads/f8cba2bb8f.gif

وادور الكاميرا بصور معه قالي الجزائري شوي لاتستعجل ويجلس يسولف معه يقول اني سعودي ومتغرب

وجاي على شان اشوفه ومن هالكلام ويترجم لي وجلسنا نسولف تقريبا 3 ساعات

لحد ماقالي خويي يالله نبي نمشي مانبي نطول لأن فيه صحفين يبون يجون ياخذون منه تصاريح على شان مباراة امس اللي صارت

وقبل امشي خذيت منه توقيع وصورة معه صور كثيرة وفديو وشربت شاهي معه حتى رفض انه يشرب بس فكيتها لحد ماشرب معي شاهي

يوم جيت بمشي دعاني وقال لازم تزورنا مرة ثانية بأسبانيا واعتبره بلدك الثاني ودخل البيت حقه اللي بالمزرعة

وجاب لي ميدالية قال هذي هدية لك بس وعد ماتبيعها طول عمرك

واشوف الا ميدالية كاس الأمم الاوربية بألمانيا 2008 أنا فتحت خشتي ماصدقت http://up.u555u.com/uploads/e7bf034c9f.gif

وبس تنزل الدمعة واخلي صديقي الجزائري يترجم ويقوله شكراً ويتشكر منه على انه سمح لنا نجلس ونسولف معه

طبعا انا مانسيت كلمتي الشهيرة يالبيه خليته يقولها بس عجز المسكين يقول صعبة بلساني

وانا بقلبي اقول مهيب صعبة عليك بالملعب تكتبها بالكورة

قبل اقوم من الكرسي بقوم اضمه واقوله مع السلامة لأني خلاص ماراح اشوفه الا بالتلفزيون

قمت سلمت عليه وانا ابي اقوله يالله مع السلامة

/

|

\

مادريت الا اللي يصااااااااااااااااااااااارخ بعالي الصوت ويقولي قم قووووومة روحك http://up.u555u.com/uploads/a14bf052f2.gif

الا هذي امي تقولي يكفي نوم يالله جدك ينتظر بمزرعته على طريق الخرج لحاله واكتشف ان الدنيا كلها حلم بحلم

قلت يمه راؤول قالت الله يقطع راؤول معك يالله قم نبي روح للمزرعة http://up.u555u.com/uploads/953b512876.gif............ وانتهى كذا احلى حلم بحياتي شفته .

وترقبو الجزء الثاني مع

http://www7.0zz0.com/2008/07/19/21/482316109.jpg

كاكا يجينا بالبر يبي بصل وزيت عافية

انتهى

يضاف هذا الحلم الى :-

1- حظي يتعدل بكل امور الحياة .

2- تخف زحمة طريق خريص والملك فهد .

3- أسدد فواتير الجوال والتلفون.

4- أشتري جيب إنفنتي .

5- الريال يحقق بطولة السنه الجاية ويجي كرستيانو وكاكا .

6- اني التقي صدق بمعذب قلبي راؤول.

إلى اللقاء

وعلى فكرة كان إسمي فيها مزاجي