منتديات تو زوو - الاهتمام بالكلاب

السلام عليكم ،،،،

ماشاء الله المواضيع جميله ومفيده جدااا ولكن مافي احد طرح موضوع الاهتمام بالكلب من ناحية كيفية جعل الكلب يكون الصديق الوفي لصاحب الكلب ، المساله مثل مو انا شايف ان الاهتمام فقط بالتدريب وشلون تخلي الكلب يتعلم شغلات سهله ولاكن مافي احد سال نفسه اهو صاحب الكلب شنو لازم يتعلم عن الكلب من حيث شخصية ( 1 ) الكلب شلون يقوي شخصيته ( 2 ) ازالة الخوف من اكلب من الاصوات المرتفقه او المرتفعات ( 3 ) شلون تعاقب الكلب وشلون تجازيه او شلون تتعامل من الكلب ---- للاسف يا شباب الكلب مو بس حق التدريب والعض وتخريع العالم او فلان عنده كلب قيمة 4000 دينار وبس او عنده كلب مافي منه بالكويت لا الكلب مخلوق جدا حساس و غيور ،،،،،، يا شباب في احد حاول انه يقعد مع كلبه بدون تدريب لمده طويله بس يقعد معاه بدون اي تدريب ،،،،

اقتراح مني لكم ليش ما تحددون يوم من الايام تتجمعون فيه وتجمعون محبي الكلاب في موقع من مواقع الكويت وتتمشون مع الكلاب اولا تكسرون حاجز الخوف عند الكلاب من الاماكن المرتفعة أو بعض الكلاب تخاف من السياره وبعضها يخاف من اي شي صوتته عالي او في كلاب تستاحش اذا شافت كلاب ثانيه يمها صدقوني راح تحس تغير كبير بشخصية الكلب بعد فترة بسيطه و تحاولون تستفيدون من بعض بالسوالف عن الكلاب وكل واحد يفيد الثاني ،،،، وفي نفس الوقت الكل يتعرف على الثاني .... وانا اسف على الاطاله وذا كانت معلوماتي خاطئة صلحولي ...

وشكر خاص حق الاخ بو عزوز بو عزوز صاير العمده هني جنك :)

على فكره ترى بو عزوز انسان صاحب معلومات جدا قيمة بالنسبة لموضوع الكلاب وتدريبها وما شاء الله كلبه واحد من احسن الكلاب بالكويت واهو ما شاء الله شاد حيله بهل الموضوع عيني عليك بارده بو عزوز

يعطيكم العافية اخوكم ياسر :p
www.kuwaitk9.net